رواية "حواديت مراد ومريم" ((كاملة جميع الفصول)) بقلم _مريم_جميل
يا مريم من الأول قولتلك أنه ممكن يبقى عنده عذر لأنه كان لازم يبني مستقبله عشانك
ولو يا شهد ده مش مبرر أنه يمشي بالطريقة دي وبعدين هو بيبني مستقبله عشاني طب أفرضي كده كنت جبيت غيره وأتجوزته كان برضوا هيبقى بيبني مستقبله عشاني لأ يا شهد هو أناني مش بيفكر غير في نفسه بس أنت الغلطانه إني حبيت واحد زيه ومع كل إللي عمله بس أنا لسا بحبه يا شهد
ينفع إللي بيحصل في بنتي ده أنت دايما كنت بتقولي متتكلميش في الموضوع ده بس دلوقت لأ أنا مستحيل أقبل أن بنتي تنزل منها دمعه واحده بسبب مراد تاني
بس مراد ملوش ذنب هو فعلا طلبها مني من سنين وهو سافر وأتغرب وأشتغل بدل الشغلانه أتنين وتلاته عشانها هي عشان بس تبقى ليه لو دورتي كويس هتعرفي أن مراد من زمان كان مقصر في حق نفسه عشان ميقصرش مع مريم في حاجه مراد مش وحش زي نا أنت فاكره
لأن مراد كان معايا مراد مسافرش بعيد عني مراد كان بيشتغل معايا وتحت عينيا كمان وشوفت قد إيه هو تعب مراد مش وحش
سكتت معرفتش ترد فضلوا قاعدين لحد ما لقيوا مريم خارجه من أوضتها أبوها راحلها
قلب أبوكي عامله إيه دلوقت
الحمدلله يا حبيبي
ممكن
ينفع إللي عملتيه النهارده ده
بابا أنا مغلطش هو كان يستاهل أكتر من كده
يستاهل أكتر من كده أنت عارفه مراد عمل إيه عشانك
أقولك أنا عمل إيه كسرني وخذلني وأتخلى عني
أقولك أنا مراد عمل إيه عشانك سافر وأتغرب وأشتغل ليل ونهار عشانك وعمره ما قصر معاكي طول ما كان هنا كان بيقصر في حق نفسه وأنت لأ عارف أنه قالك كلام وجعك بس هو كان موجوع أكتر منك مراد كان خاېف
