رواية رحله من عالم آخر(مكتملة جميع الاجزاء)بقلم شهد مصطفى

اسكريبت كامل 
هتفضل لحد امتا تعاملني بالطريقه ديه يا مازن 
طريقه ديه الي هيا ازاي يعني مش فاهم!
لأ انت فاهم يا أستاذ انا أقصد ايه
قولي بقا انها طالبه معاكي نكد النهارده وانا بصراحه جاي من الشغل تعبان وعاوز انام عن إذنك 
في اليوم التالي
ايه الي بتقوليه ده يا ماما عاوزاني اتجوز علي ملك! 
ملك يا ماما ملك البنت الوحيده الي حبيتها في حياتي والي استحملت كل متاعب الحياه وكل الصعوبات علشانها ده انت اكتر واحده عارفه انا بحبها قد ايه وحاربت ازاي عشان احقق رغبات ابوها وعلشان تكون معايا انت ازاي تفكري كده اصلا

يا بني هو انا قولتلك اكرها ما أنا متنيله عارفه انت بتحبها قد ايه انا بقولك بس اتجوز واحده عشان تجبلك العيل الي نفسك فيه
مش عاوزه يا ماما لو مش من ملك يبقا مش عاوزه!
كنت واقفه علي الباب بالصدفه وڠصب عني والله سمعت الحوار اللي دار ما بين مازن وحماتي وقتها اتراجعت ومخبطش علاي الباب وطلعت تاني شقتي اه ما هو شقتي فوق شقه حماتي 
كنت قاعده سرحانه بفكر في الكلام الي قالته حماتي لجوزي ومر قدامي شريط ذكرياتي كإنه فيلم افتكرت وقتها من٥ سنين لما مازن ابن عمي وصديق طفولتي وحب عمري كله جاه عشان يطلبني من بابا وقتها بابا موافقش عليه كان فيه أسباب كتيره وقتها تخليني ارفض والي بسببها بابا مكانش موافق منها اني كنت لسه بتعلم في كليه الصيدله كنت وقتها سنه ٣ وهو كان لسه متخرج من كليه تربيه كان لسه شاب صغير في بدايه حياته معهوش حتي ثمن الدبله بس هو كان مجبور انه يتقدملي في الوقت ده لكثره العرسان الي كانت بتتقدملي وقتها............!
ورفضي الغير مبرر ليهم بس هو ما استسلمش ابدا سافر سنتين برغم المسئوليات الي كانت عليه وقتها قالي جمله عمري ما قدرت انساها قالي استنيني يا ملك انا راجع وهكون قوي عشانك متكلمناش ولا مره خلال السنتين دول عشان احنا عارفين انه حرام! بس ثقتنا في بعض هيا الي كانت مقويانا ثقتي فيه انه اكيد هيرجعلي وثقته فيا اني هستناه 
قطع حبل افكارها وذكريتها رنين الباب 
منزلتيش ليه مش قولتي هتنزلي تقعدي معانا 
مفيش بس كنت تعبانه شويه وكسلت انزل 
مشكلتك انك مبتعرفيش تكدبي او اني فاهمك كويس قولي الحقيقه منزلتيش ليه  
طب بصراحه انا نزلت وسمعتكم بتتكلموا علي انك تتجوز عليا 
يالهوي قنبله صراحه ده انا يدوبك قولتلك كلمتني روحتي اعترفتي علي طول 
متغيرش الموضوع يا مازن انت صحيح ممكن تتجوز عليا 
يا ستي هو انت مش بتقولي سمعتينا يبقا اكيد سمعتي اني مش هتجوز عليكي 
مازن الحق يا ماااازن بسرررررعه 
بخضه دنيا في ايه يا دنيا انطقي 
دنيا ماما اغمي عليها ومش راضيه تفوق 
بعد ساعه وقد وصل الدكتور 
خير يا دكتور ماما عندها ايه 
الضغط علي عليها يظهر انها كان في حاجه مزعلاها انا مش حذرتكم قبل كده من ان حاجه تزعلها وكمان هيا لسه الجلطه الي جاتلها قريب مأثره عليها وصحتها مش كويسه لازم تهتم بالأكل شويه يا أستاذ مازن 
هو مش اخدت العلاج والجلطه راحت ليه مأثره عليها دلوقتى 
ايوه الحمد لله انها كانت في اولها وقدرنا ندوبها بالحقن والعلاج بس المناعه عندها ضعيفه جدا ومبتاكلش كويس ده غير الضغط الي عندها علي العموم انا كتبتلها العلاج ادهولها في معاده مع الاكل وهتبقا كويسه