رواية " لأجلك أكون "( مكتملة جميع الاجزاء) بقلم عبير حسان

لأجلك_أكون
بدموع_عشان خاطري متمشيش يا مصطفى 
باس رأسي وهو بيقول مصعبهاش عليا أنتي عارفة إنه لازم أسافر 
ردت بدموع أكتر لا احنا مش عاوزين غير وجودك والله مش عاوزين حاجة تانيه 
بص بحزن مش احنا اتكلمنا يا نعمه واتفقنا إني أسافر 
خانتني دموعي وأنا بقوله ايوه 
مسح دموعي طيب أنا بعمل كده عشان منين 
رديت بضعف عشانا 
مصطفى يبقي إيه
رديت پبكاء متتاخرش عليا عشان خاطرى
خدني في حضنه وهو بيطبطب عليا وبيحاول يتحكم في دموعه
رفع وشي وقال أنا مش عاوز أشوف دموعك دى سامعه أنتي غالية ودموعك غالية زيك هرجعلك في أقرب وقت عشان أنتي متعرفيش أنت بالنسبالي إيه 

هزيت برأسي وأنا بحضنه أكتر وكأني بحاول اشبع منه قد مقدر
أنا ومصطفى اتكتب كتابنا من شهر بس أجلنا الفرح شوية تكون الظروف تحسنت واتفقنا إنه هيسافر دولة في خليج عشان يقدر يشتري شقة ملك ونعيش مرتاحين زي ما أنتو شايفين الظروف صعبة مع الكل وهنا المرتبات مش كويسة ومش هتقدر تعمل حاجة في وقت قليل بس أنا مش هقدر أشوف بعيد أنتو متعرفوش مصطفى بالنسبالي إيه
_أهدى يا نعمه ده من وقت ما مشي وأنتي بټعيطي 
نعمه مش قادرة يا ريم دى أول مرة مصطفى يبعد عني ويوم ما يبعد تكون المسافة دى كلها أنا عارفة إنه كله ده عشاني بيعمل كده عشان مش عاوزني أكون محتاجة حاجة أو أقل من حد بس أنا والله مش عاوزه غيره 
حضنتني يا حبيبتي هوني على نفسك عشان تقدرى تقفي جنبه هو برده مش ساهل عليه يسافر بلد لوحده وحياة تاني غير هنا وبعدين انا سمعته بيقولك دموعك غالية ونهت كلامها بغمزه 
بصتلها ومسكتها من بجامتها أنتي بتتصنتي علينا يابت
بصتلي بابتسامتها ساذجة أيوه 
نعمه باستنكار ده ايه البجاحة اللى عندك دى 
ريم بتصنع الحزن أكدب عليكي يعني وأدخل الڼار 
بصتلها بقرف وأنتى ما شاء الله مبتعمليش حاجة غلط خالص
ريم تبقي توأمي وهي صديقتي وأختي وكل حاجة حلوة في حياتي بابا مټوفي من زمان أوى ومصطفي يبقي السند وكل حاجة حلوة في حياتنا ومكفل بكل حاجة تخصنا رغم إنه ماما دكتورة في جامعة الحمدلله بتشتغل ومش مخليانه محتاجين حاجة بس هو من صغرنا وأخد دور الأب والأخ والأمان ليا.
_الو 
مصطفى ايوه يا حبيبتي أنا وصلت الحمدلله 
نعمه بحب الحمدلله يا قلبي 
مصطفى افتحي الفيديو وحشتيني وعشان أوريك كل حاجة هنا قبل ما أنام 
نعمه حاضر 
مصطفى وهو بيتحرك بالتليفون بصي ده المطبخ جميل يبقي نعمل نفسه في شقتنا ودي الأوضة اللى هقعد فيها وده حمام اللى
نعمة بضحك خلاص ياحبيبي اكيد مش هتقولى تفاصيل الحمام 
ضحك بصوت ضحكته الرجوليه طبعا يا حبيبتي دى مش بيتشرح 
فجاة سمعت صوت ريم هي وداخله عليا الأوضة إيه الحب المقرف ده يا جدعان راعوا إني عازبة ومحتاجة احب الحب مش كده يعني 
مصطفى اسكتي يابت ويلا هوينا عاوز اكلم مراتي براحتي 
ريم هي وماشيه الله يسهله ياااعم
فضلنا نضحك ونتكلم ويعرفني على كل حاجة ورتب هدومه وأنا معاه ويوم بيجيب يوم وكل ما بيرجع من الشغل يكلمني هو بياكل وبيشاركني في يومه ولما يجي تعبان يفضل يفضفض معايا وننام مغلطتش لما قولت إنه أفضل وأغلى حاجة في حياتي وإنه الأمان
عدى أول ٦ شهور وهو على نفس كل حاجة وفي يوم رن عليا
مصطفى بحب السلام عليكم يا ست البنات 
نعمة بابتسامة قرة عيني حبيبي عامل ايه 
مصطفى كل حاجة وحشه من غيرك 
نعمه أنا معاك 
مصطفى هو أنا قولتلك إني بحبك 
ضحك بغلب من ١٢سنة وأنت بتسألني السؤال ده 
_والآخر العمر يا وصية رسول