رواية بريئه احيت لي قلبي (كاملة حتى الفصل الأخير) بقلم ريحانه الجنه
حيوفقوا انهم يعملوا كدة من غير جواز
مراد وانا مالي انا متربين ولا لا . وبعيدين بصراحة اشك ان انت بناتك يكونوا متربين
فهمي لا اصل امهم الله يرحمها هي اللي ربتهم وبعد ماماتت كانوا عايشبن مع خالتهم في اسكندرية وهي اللي ربتهم من بعدها
مراد انت هتحكيلي قصة حياتك . انا عايز فلوسي انت فاهم والا حسجنك
فهمي طيب شوفهم حتي يمكن واحدة فيهم تعجبك . بص دي صورهم . دي سجي الكبيرة عندها 19 سنة... ودي نهي عندها 17 سنة .. هاه ايه رايك
مرادامممم طيب سبني افكر . بس تحاول تحضر المبلغ علشان لو موافقتش . مش حيبقي قدامك حاجة غير الدفع او السچن . يلا امشي وقبل ماتمشي امضي الشيكات عند ميادة هي مجهزاهم .
خرج فهمي وهو قرفان من نفسه انه عايز يعمل كدة في بناته بس هو شاف ان مقدموش حل غير كدة والا يتسجن مع ان كان اشرفلوا ان يتسجن. ومايبعش بناته بالطريقة دي. ومضي الشيكات عند ميادة السكرتيرة
ميادة دخلت لمراد . افندم حضرتك . فهمي مضي الشيكات
ميادة ايوة 10شيكات زي ماحضرتك فهمتني
مراد طيب هاتيلي الفايل بتاع المناقصة الاخيرة واندهيلي شريف .
ميادة حاضر يا فندم . عن اذنك
مراداستني . وقام مراد من علي مكتبه. انتي مش شايفة ان الجيب اللي انتي لابساها دي طويلة شوية
مراد وهو بيعبث في كل جزء فيها بيإيده بمنتهي الاسفزاز . انتي بتشتغلي في اكبر مجموعة شركات ومش مع اي حد مع مراد سلام يعني لازم تكوني متحضرة بلاش تخلف ورجعيه فاهمة
ميادةوهي مش طايقاه تانية
وبعد كدة بعد عنها لا خلاص مش عايز حاجة تاني دلوقتي بس بعد شريف ما يخرج من عندي تعاليلي علشان نكمل .
مرادامممم مش بطالة هو اينعم انتي مش استايلي . حجاب وحشمة كدة بس مش مهم اهو الواحد يجرب حاجة جديدة .لما نشوف حتعرفي ازاي تبسطي مراد سلام
اما ميادة كانت بټعيط وبتكلم نفسها . منك لله يا مراد علي اللي بتعملوا فيه انا لولا مصارف علاج ماما كل شهر مكنتش استحملتك وسبتك تعمل فيه كدة لو بس مكانتش تكاليف غسيل الكلي مكلفةوالله مكنت قاعده
ميادةثواني ويكون عند حضرتك . مسحت دموعها واتصلت بشربف ..... ايوة يا شريف مراد بيه عايزك بسرعة
شريف . دراع مراد اليمين . خبط ودخل . حضرتك طلبتني
مرادايوة تعالي . عارف فهمي مدير
الحسابات . دي صور بناته الاتنين عايزك تعرفلي عنهم كل حاجة بالتفصيل . متسبش حاجة. بيقبله مين مرتبطين بعلاقة مه حد كل حاجة
مراد 24 ساعة ده ايه انا عايز المعلومات دي تكون علي مكتبي بالليل قبل مامشي فاهم . انت جرالك ايه كبرت ولا ايه
شريفلا لا تحت امرك يكونوا عندك بالليل عن اذنك
بعد الظهر في بيت فهمي
فهمي مساء الخير
سجي مساء النور يا بابا انا حضرت الغداء ثواني ويكون جاهز
فهميلا انا مليش نفس كلي انتي واختك
سجيمالك يا بابا شكلك تعبان . او متضايق
فهميمفيش حاجة انا داخل انام علشان خارج بالليل
سجيطيب مبلاش تخرج مادمت تعبان واقعد معانا النهاردة مش كل يوم سهر كدة
فهميوهو بيزعق . انتي حتحسبيني ولا ايه انا اخرج زي ما عايز وبعدين انتي هتتعبيني بالعافية
. اوعي كدة خليني ادخل انام.
نهيخرجت . في ايه يا سجي بابا بيزعق ليه
سجيمش عارفه ماله انا بس كنت بقوله يقعد معانا النهاردة وميخرجش علشان شكله تعبان قام هب فيه كدة زي ماسمعتي .
نهي خلاص هو حر مالناش دعوة . كفاية ان احنا مستحملين عمايله دي كل ليه . واحد غيره كان هو اللي يخلي باله مننا مش العكس .
سجي عيب يا نهي ماتتكلميش علي بابا كدة والله هو طيب وحنين بس هي الخمړة دي اللي بتضيع عقله
نهي والله انا ماعارفة ايه اللي خالانا نرجع نعيش معاه كنا قاعدين عند خالتوا صفيه ومرتاحين انتي اللي اول مادخلتي الجامعة وعموا ابراهيم جوزها رجع من السفر صممتي نرجه هنا
سجي يا نهي مكنش ينفع نقعد معاهم. احنا مش ولادوا وماينفعش نفضل قاعدين كدة من غير صفة انا عارفة انهم بيحبونا وعم. ابراهيم راجل طيب وطول عمره بېخاف علينا بس كمان هو من حقه يعيش براحتة اكيد وجودنا حيضيقوا
سجيان شاء الله . بس اطمن علي بابا الاول انا قلبي حاسس ان في عنده مشكلة كبيرة .
في المساءفي مكتب مراد
شريف اتفضل حضرتك دي كل المعلومات اللي انت طلبتها
مرادحطها عندك .قولي بإختصار لحد ما اقراها بنفسي . عرفت ايه
شريف حضرتك الكبيرة سجي كلية حقوق واختها في فنون جميلة والاتنين مشهورين بادبهم واخلقهم وهما عموما في حالهم مش مختلطين بحد اصحابهم معدودين
مرادوايه اخبار العلاقات مفيش واحدة فيهم مصاحبة ولا حاجة
شريف لا يا فندم بس سجي عرفت لما كنت في الكليه انها وواحد زميلها اسمه رامي معجبين ببعض بس مفيش علاقة بالمعني الحقيقي لابتخرج معاه ولا بتتكلم يعني تقدر تقول حب من بعيد لبعيد
مراد بمكر كدة تمام سيبلي الملف انا حقراه بالتفصيل .
ميادة تعالي عايزك .
ميادةحاضر ... دخلت ميادة . نعم. حضرتك عايز حاجة قبل مامشي
مراد تعالي عايزك شوية قبل مامشي قربي
في فيلا مراد
مرادمساء الخير يا عم صالح .
عم صالح الطباخ مساء الخير يا مراد بيه . احضر لحضرتك العشاء
مراد لا مليش نفس
صالح طيب حضرتك احنا ماشين حضرتك عارف بكرة اجازتنا وكنا مستنين حضرتك ترجع . حضرتك تؤنر بحاجة
مرادوهو طالع علي السلم . لا بس متتأخروش بعد بكرة عايز اصحي الاقيكم فاهم
صالحان شاء الله
شوقي الصفرجي ياه . انا معرفش انت بتحب الراجل ده ازاي ياعم صالح ده فظيع تحسه كدة مش بني آدم
صالحاوعي تقول كدة مراد ده كان زي الفل بس اللي حصله زمان هو اللي خاله بقي كدة . قلبه ماټ منها لله اللي كانت السبب
شوقي هي مين يا عم صالح . انا بقالي هنا 10 سنين. عمرك ماحكتلي حاجة عن مراد بيه ولا عيلته . احكيلي علشان خاطري
صالح نقعد بقي نحكي ونسيب شغلنا . قوم يالا نقفل الفيلا قبل مانمشي
شوقي حاضر خليك كدة كل ما اسالك تهرب مني
عم صالحسرح ورجع فلاش باك
مراد كان عنده 13 سنة واخوه مازن عنده سنين . مراد في ليلة كان قاعد سهران بيكلم واحد صاحبه في التليفون وكان باباه مسافر شغل وبعد مامراد خلص مكالمة لقي نفسه مش جايلوا نوم قام ينزل الجنينة وهو معدي من عند باب أوضة امه وابوه سمع صوت زي ماتكون امه بتكلم حد وكمان سمع صوتها اكنها بتتألم اوبتستغيث وطبعا لصغر سنة مكنش يعرف انها مش كدة وان الموضوع حاجة تانيه . مراد خاف علي امه وحاول يدخل بس لقي الباب مقفول فراح يلف من التراث لان كل الاوض بتطل علي تراث واحد واول ماوصل عند بلكونة مامته شاف اصعب مشهد ممكن يشوفه طفل في سنه شاف امه في حضڼ راجل غريب غير ابوه وكمان في سريره . مراد اټصدم وخاف وجري بسرعة علي تحت في الجنينه وقعد يعيط وفجاة لقي عربيه بتدخل الفيلا بص لقاه باباه .
مرادخاېف ومش عارف يقول لابوه ايه . بابا انت جيت امتي
سلام مراد حبيبي انت ايه اللي مسهرك كدة مانمتش ليه .
مراد مش جايلي نوم
سلام طيب روح نام وانا حطلع لماما علشان انا عملها مفاجاة
مرادبابا ممكن تقعد معايا شوية
سلام الصبح يا مراد مش وقته
مراد قعد يعيط وخاېف من اللي حيحصل لماباباه يشوف اللي بيحصل . ومرة واحدة سمع مراد صوت رصاصى مراد خاف وجري علي أوضة مامته . لقي باباه ضربها بالړصاص هي واللي كان معاها مراد قعد يعيط وينده لمامته تصحي
مرادماما . ماما اصحي . علشان خاطري. ليه عملتي كدة ليه ياماما سيبتينا ليه ومازن ياماما مازن بيحبك وانا كمان . ماما ردي يا ماما
سلاممراد . روح علي اوضتك بسرعة واوعي حد يعرف اللي حصل انت فاهم .
وفي الوقت ده طلع صالح علي صوت وسلام خالاه يساعده كل واحد منهم علشان تبان انها چريمة سړقة وانها لما قاومت هو . وفضل ده سر بين سلام وصالح ومراد . ومن يومها مراد بقي قاسې وبيشوف كل الستات خاېنة وماتستهلش الحب ولا ثقة اي راجل.
الحلقة الثانية
مراد طلع فوق بس قبل مايدخل أوضته . دخل أوضة مقفولة ومهجورة ودخل قعد علي السرير ومسك برواز في صورة امه . ايوة دي أوضتها اللي حصلت فيها الحاډثة . ومن يوم الحاډثة وابوه قفلها ومدخلهاش وكان مانع اي حد وخصوصا مراد انه يدخلها بس مراد وهو صغير كان بيفتح باب التراث ويدخلها ويقعد يبكي
مراد عجبك اللي انا فيه مبسوطة دلوقتي وانتي شايفاني كدة . انتي مۏتي وارتاحتي لكن انا عايش مېت. قلبي ماټ وبسببك عمري ماقدرت احب واتحب زي كل الناس . بخاف من كل الستات علشان خاينين زيك . انا كل ليلة مع واحدة ومع ذالك عمري ماكنت مبسوط عمري ماكنت سعيد وانا بعمل كدة كل مرة بحس اني بنتقم منك انتي فيهم انتي
يارتني ماكنت خرجت من أوضتي يومها يارتني نمت ولا شفتك كدة
وساب مراد الصورة ودموعه نزلت وبعد شوية قام وقفل الاوضة وخرج وراح أوضته وطلع صورة سجي . وباص فيها وبعدين رماها علي الكمود ونام .
في الصباح في مكتب مراد
مراد انا وفقت يا فهمي اني اخد بنتك سجي الكبيرة بدل الفلوس بس مش حتجوزها رسمي لا طبعا حتجوزها عرفي . واعمل حسابك يوم الخميس تجبها وتجبلي في العنوان ده دي شقة الزمالك بتعتي والمحامي حيكتب الورقة هناك فاهم
فهمي بس . ببببس
مرادايه بتبسبس ليه مالك
فهمي اصل خاېف سجي ماتوفقش . وخصوصا لما تعرف انك حتتجوزها عرفي
مراد نعم انت حتيجي دلوقتي تقولي توافق ولا لا انت نسيت انك امبارح كنت حتبوس جزمتي علشان اوافق . انت تتصرف يوم الخميس تجبها وتيجي فاهم .
فهمي طيب علي الاقل تعالي اتقدملها علشان اقدر اقنعها
في بيت فهمي
فهمي في أوضته بيفكر اقولها ازاي . طيب اقولها ايه طيب لو رفضت . لا هي في كل الاحوال متنفعش ترفض . انا لازم افهمها الحكاية انا مينفعش اتسجن .
خرج فهمي ونده لسجي
فهمي
