رواية زواج بالاحتيال (كاملة حتي الفصل الاخير) بقلم جمانه السعيدي
مجال هسه احنا حالنا احسن حال
بس خلصت الأربعين امي انطلقت
وقررت تشتغل اكثر شغله تحبه
اكيد كلكم تعرفونه
تاخذ خيره للنسوان وتشتغل اي شغله تخص هذا المجال
كانت داخله على هاي الشغله بكلب قوي
ومقرره تحقق الشي الي اباله
لو مهاما يكون الثمن لازم تحقق حلمه
بدت تدز على النسوان وتاخذلهن خيره
بيها صايبه وبيها خايبه
لان بلاش النسوان كانت تتردد علينا
ومن حضها كم وحده اجت الخيره صح جمانه السعيدي بدن
النسوان يحجن بيه وبخيرته
اكو وحده بلقريه هاي تدخل كل البيوت تستعطي
يعني تطلب من البيوت اكل فراش خبز
اي شي تنطيه العالم تقبل زوجها مېت وعدها اطفال ثنييت
هاي معروف عنه صاحبت قيل وقال
تنقل الاخبار من بيت البيت
امي استغلت الفرصه
ودزت عليه طبعا راسا اجت
امي...عندي شغله اللج
....اي كولي
....اريد تحجين بخيرتي كدام النسوان ونكولين ماكومنه
خيرته مضبوطه
والج مني هديه انطيج عبايه جديده عندي
وكلما ازود النسوان الج هديه
وهسه هاج هذا المبلغ اشتري عشى الجهالج
مو اكلكم امي ذكيه تخوف
فعلا بدت تجينا نسوان اكثر
جانت امي تتفق وياهم
..... اني اخذلكم خيره بلاش بس اذا تحققت الخيره اليه هديه فلان شي
يعني تشرط شرط فد مبلغ مالي
او تطلب خروف لو فسيسفس
سمعت العجوز الي تاخذ خيره
امي كامت تاخذ خيره للنسوان مجاني
شلون تقبل على كولة أهلنا قبل مجدي مايحب مجدي
شنت حرب على امي كامت تحجي عليه
حتى حاولت ټشوهه سمعته بس بدون فايده امي مااهتمت الكلامه ابد
دزت عليه نسوان يحجن على امي
بس امي قويه مااهتمت
وهواي تحققت الخيره الي اخذته الهن
وصارت اله سمعه زينه
وامي هم السانه حلوووو
وجامل النسوان هواي
هاي الاخبار كانت توصل للعجوز ام الخيره الاول بااول
وشكد حاولت تتخلص من امي بس ماكدرت
يعني حجت على امي مافاد
شوهت سمعته مافاد
دزت نسوان يهددنه مافاد
لاتنسون امي ذكيه وعاشرت هاي العجوز هواي وتعرف كل سوالفه
صعب امي تخسر كدامه باعتبار كل أوراقه مكشوفه
هذا الشي ماكان سهل على العجوز حست نفسه راح تخسر كلشي
ولا محاوله وحده نجحت جمانه السعيدي
العجوز تمرضت من القهر كانت النهار كله تفكر هي راح تخسر كلشي بسبب امي
كانت تحجي كدام النسوان وتكول اني راح افلس
راح اخسر شغلي النسوان كامت ماتجيني
مديحه مسويتهلن سحر تقصد امي اسمه مديحه
الحركه كتلت المره كامت ماتكدر تكعد على حيله
وكانت ندمانه لان دخلت امي حياته وخلته تتورج على شغله
حست امي طعنته طعنه قاتله قضت عليه
فعلا امي دمرته ټدمير
اربع اشهر وهاي العجوز نايمه بلفراش القهر كتله
منا لمن رب العالمين اخذ امانته
ماټت العجوز بسبب امي مدري بسبب طمعه بالدنيا
ماتحملت الخساره
مدري هذا يومه
على العموم الله يرحمه ويغفرله
وهنا الساحه فرغت الامي
اول شي امي كانت تكول هاي العجوز ماټت لان جانت تحجي عليه واني مامئذيته هاي حوبتي طلعت بيه
حتى تحذر الناس اي احد يحجي عليه راح يكون مصيره مثل هاي العجوز
الناس عقوله بسيطه وصدكت هذا الكلام
امي الي بس ماټت هاي العجوز
بطلت تاخذ خيره مجانيه
كلشي بفلوس ادفعي بلاول تاخذلج خيره
اذا تردين تعرفين المستقبل ادفعي ليكدام
وراح اكللكم معلومه محد يعرفه غيري
امي كانت تقرا محبه على الماي واي وحده تدخل تقدمله من هذا الماي حتى ترجع ابدال المره عشره
حتى تحب امي وتحب خيرته وترجعله
ذاع صيت امي وصارت واجهه للناحيه الي احنا ساكنين
بيه احنا ساكنين بناحيه
يعني مو ريف كلش رغم منطقتنا تعتمد على الزراعه
وتربية المواشي بس شويه احسن من الريف
صارت امي ماتلحك على الشغل طول النهار
وخاصه من ماټت العجوز
هاي تاخذله خيره
وهاي تسبحه حتى تحبل
وهاي تقرا على راسه حتى يروح الصداع
وهاي تبخره من الحسد
وهاي تنطيه حرز تشيله حتى تخلص من الكوابيس
وهاي تكتبله عوذه تخليه بفراش زوجه حتى لا يتعارك وياها
مشى شغل امي
وكانت تردد دائما كله من ورا ابوج شوفي هذا الخير كله ابوج كان حارمنا منه
همزين خلصنا منه شفنا الخير كله
امي حتى ابوي مراحت زارته بعد الاربعين ابد
فعلا كمنا ناكل احسن اكل ونلبس احسن ملابس
وصار عدنا كن مال دجاج كل يوم نذبح دجاجه
هذا اادجاج كله يجينا هدايه
من غير البيض والدهن الحر والروبه
حتى قطع قماش وعبي وكلشي
اريد اعترف امي كانت كلش شاطره بهاي الشغله
ونكدر تقنع اكبر واحد
حتى زلم يجون عليه يردون ياخذون من بركته
مشا الحال عال العال
ووضعنا حيل تحسن
اني جسمي صار جسم انثى وكامو بجون عليه خطابه
وخاصه النسوان الي تجي على امي وتشوفني
واني كنت كلما اكبر ازيد جمال اكثر واكثر من قبل
بس امي ماتقبل تكول بعدها زغيره وفايدتني بلبيت
لان امي كل النهار كاعده على التكيه تاخذ خيره
واني افتر بلبيت
اما النسوان الي يجن على امي تسبحهن علمود تنفك الجبسه ويحبلن
اني كنت ادخلهن الحمام واسبحهن
امي علمتني كم كلمه احجي عليهن من يسبحن
يعني اني كنت المساعده الامي مستحيل تفرط بيه بهاي السهوله
مراح تكدر أدير الشغل وحدها
امي تريد تجمع ثروه بااسرع وقت ممكن
وهاي كانت افضل طريقه تحقق بيه حلمه
مشت الايام وامي كلما تزيد الزباين عليه اكثر
كلما صيته وسمعته تكبر
سنتين ونص وهي تشتغل ليل نهار
الناس بمنطقتنا كانت تقدس امي من كد النجاح الي حققته
خلال سنتين ونص وصار عدنا فلوس وذهب
بس امي ماتقبل تغير ببتنا
تكول تنفتح العين علينا إذا غيرينا ببتنا
لو شايفين كمية التقدير والاحترام الي حصلناها بسبب هاي الشغله
وامي كلما يفوت وقت اكثر تزيد خبرته بهذا المجال اكثر واكثر
الحد ماصيته سمع بلولايه جمانه السعيدي والمناطق الي بصف منطقتنا
كامت تجينا ناس اشكال واللوان بعمرنا ماشايفينهم
من كل المناطق تجينا ناس
بحيث مانكدر ناخذ راحتنا شغل ليل نهار
اتخيلو النسوان بلسته الصبح كاعده بابنا
ولليل واحنا ماماخذين راحتنه
مرات امي تدخل تتمدد تكول ضهري يوجعني
عادي يبقن كاعدات منتضراته منا لمن ترجع عليهن
حتلو ساعه ساعتين عادي ينتضرن
امي صابه الغرور بسب كثرة الناس الي تجينا
والفلوس الي نحصله
كامت تحجي وياا النسوان بعصبيه لان ماينطنه محال ترتاح ولو تشوفون شلون يتوسلن بيه
عبالك بيده تغير اقدارهن
استغفر الله بعد اشويه مخلياته عن رب العالمين
استغفر الله
اكو بيوت تصير بيه مشاكل بسبب امي
يعني اكو ناس انابكن فلوسهم
امي اخذتلهم خيره كالت وحده من معارفكم تتردد عليكم
هي اخذتهن
المسكينه ام جنتهم كانت تجي تشوف بته
لان عروس جديده
تعاركو وياها وطردوها وتهموها بايكه الفلوس المره زعلت
وبتها زعلت الزعله راحت زعلانه وماتقبل ترجع البيتهم
وهمه مصممين اله ترجع الفلوس يله يرجعون جنتهم
طبعا همه مصممين هي بايكتهن لان ام نهله كالت عليه
وكلام ام نهله صح ام نهله امي
هاي ابسط قصه من القصص الي تجينا كل يوم
للحكايه بقيهالبارت__3
زواج_بالاحتيال
البارت الثالث
جمانه السعيدي
نهله....حالتنا صارت احسن حال وصارت النا سمعه بين الناس
خلال ٣ سنوات وضعنا تعدل
وسمعتنا صارت تحجي بيه الناس كله
من منطقتنا وغير مناطق
امي صارت محترفه اكثر بهذا العمل كامت تعرف كلشي
حتى دروب السحر
اي وحده تربد تسويله سحر بس طبعا المبلغ يكون اكثر
اذا سحر
شكد تجينا ناس ماتتخيلون
الحد مااجت المصېبه الي خربت علينا حياتنا
طمع امي هو الي خرب كلشي علينا
بيوم طبكت سياره حديثه تسوقه مره تقريبا ٣٨ سنه
المره جايه من الولايه
لبسه كشخه والذهب الي لابسته مضهرها
يكوول شبعانه ومثقفه
سيارته حديثه مبينه طاكه
