رواية المشوهة (كاملة جميع الفصول) بقلم سلمي محمد السيد

بالشكل ده لكن چرح قلبها كان بيكدب الاحساس ده دايما
رقيه فتحت موبايلها وسمعت الاغنيه اللي عنان باعتها بدموع وشوق قربت الموبايل من قلبها وقالت بصوت يكاد يسمع عنان
بعد مرور يومين 
رقيه ياماما انتي فين ..يا حمزه.. انتو رحتوا فين 
جرس الباب بيرن
رقيه فتحت الباب .. ثانيه اتنين تلاته ..صمت رهيب بيقطعه صوت دقات قلب اتنين عاشقين أخيرا اتجمعوا
رقيه بدموع وصوت مرتعش ع ع عنان
عنان وحالته مختلفتش عن رقيه وحشتيني يقلب عنان
عنان محسش بنفسه غير وهو بيشد رقيه بكل قوته في حضنه مش مصدق إنه شافها وضمھا بعد كل الفتره دي
ضمھا بلهفة طفل كان تايه وأخيرا قابل أمه بعد ما الدنيا فرقت بينهم ..
بعد أكتر من عشر دقايق محدش فيهم اتكلم ..كل واحد مكتفي بالصمت .. الصمت اللي عبر عن الف كلمه
عنان أخيرا بعد مسافة لا تذكر من رقيه وتأمل ملامحها اللي باين عليها الإرهاق لكن لسه محتفظه بجمالها الطبيعي وبرائتها
رقيه اتكلمت بحب انت طولت دقنك زي ماكنت عايزه من زمان
عنان بمرح عايزه الصراحه مكانتش دي الخطه 
مفيش مكنة حلاقه لمست وشي من تلات شهور وكان شكلي عامل زي رجل الكهف وطبعا مكنش ينفع أقابلك بالمنظر ده عشان كده قبل ما أجيلك هندمت الدقن
رقيه ابتسمت وبعدين قالت باستغراب يعني انت كنت مخطط ترجع مش جاي فجأة زي ما كنت فاكره
عنان لا مش فجأةيارا كلمتني وحكتلي علي كل حاجه حصلت وأنا حسيت إنها فعلا ندمانه ومرضها فوقها
رقيه بحزن ربنا يشفيها رغم كل اللي عملته بس بردو صعبانه عليا اووي
عنان بحب عشان انتي قلبك أبيض أومال أنا بحبك من فراغ
رقيه برقه امممم يعني انت بتحبنى عشان قلبي 
أبيض بس
عنان لسه هيرد لكن قطع كلامه صوت حمزه اللي بيقول 
_ بس بقا يا تيته سيبني عايز أروح عند بابا
حمزه جري علي أبوه بفرحه وعنان شاله من علي الأرض وحضنه وهو بيلف بييه بفرحة
عنان وحشتني أوي ياقلب بابا
حمزه وانت كمان يا بابا وحشتني مع إني كنت بشوفك كل يوم واحنا بنتكلم ڤيديو
رقيه باستغرابايه ده انتو كنتو بتتكلموا ڤيديو من ورايا
حمزه ببراءةلا ياماما مش من وراكي انتي كنتي بتطلعي معانا في الڤيديو بس وانتي نايمه بس
عنان بيحاول يكتم بوق حمزه بس بس ڤضحتنا الله يخربيتك
رقيه بمكر امممم يعني كنت بتصورني وأنا نايمه
عنان باستعباطده مش أنا ده حمزه
حمزه ببراءة يا بابي ما انت اللي كنت بتقولي ..وبعدين انتو بتتخانقوا دلوقتي علي ايه ..بابي خلاص رجعلنا ومش هيبعد عننا أبدا صح يا بابي
عنان وبيوجه الكلام لرقيه والله ياقلب بابي علي حسب مامي عايزه ايه
رقيه بصتله بحب مامي مش عايزه بابي يبعد عنها أبدا
وقابلته نسيت إني خاصمته 
ونسيت الليل اللي سهرته أم كلثوم
بقلم سلمي محمد السيد