رواية "وبعد الحزن سعاده"(كاملة حتى الفصل الأخير)بقلمي رونا محمد

طويله ولابسه فستان واسع ومختمره البنت لافت وشها وخرجت لمحها خطڤ بس شكلها اتحفر في دماغه حاسب علي الحاجه ومشي وهو في طريقه للبيت بيفكر في حاجه اول مره يفكر فيها هو اللي زيه ممكن في يوم من الايام يتجوز هو شغال ويقدر يفتح بيت بس مالوش اهل ولا اصل مش متعلم خرج من الاعداديه هل ممكن حد يرضي بيه وهو متربي في دار ايتام من وهو 3سنين اسئله مالهاش اجابه عنده والسوال الاهم اي اللي خلاه يفكر في الاسئله دي البنت اللي شافها ومن امتا بيتشد لبنات اصلا بردو سوال مالهوش اجابه قال يارب بكل جوارحه وكانه بيوقف دماغه من الافكار والاسئله وصل البيت خبط وباسم فتحله
باسماتاخرت ليه
حازمكنت بشتري حاجات
باسممقلتش ليه
حازمجه في دماغي فجاه ومكنش معايا موبايلي علي اساس ان هنزل الحاجه بس الساعه كام معاك
باسم الساعه 6
حازمطب يلا نريح شويه عشان ميعادنا في الشغل 10 بس لازم نجهز من وننزل عشان منتاخرش علي الناس اللي هتسلمنا الشيفت كده كده الطريق من هنا هياخد ربع ساعه بالكتير
باسم فعلا الطريق من هنا اقرب يلا نريح لاننا ملحقناش ننام
شغلهم من 10بليل ل 10 الصبح والطريق من الدار كان بياخد ساعه يعني كانوا بيبقوا في الدار 11 عقبال ما يتشطفوا و يعملوا اكل وياكلو بيخلصوا الساعه وصحهوهم الساعه عشان يمشوهم فكانوا محتاجين يناموا لانهم مرهقين النهارده جسديا ونفسيا
عدي الوقت والمنبه اللي ضبطوه رن قاموا جهزوا ولبسوا ونزلوا راحوا شغلهم حازم جرسون وباسم كاشير وهما بيشتغلوا جم بنتين وولد قعدوا علي ترابيزه راح حازم ياخد الاوردر
حازماتفضلو المنيو يا فندم عن اذنكوسابهم يختاروا براحتهم لحد ما الولد شاورله رجعلهم تاني
حازمتحت امركوا يافندم
الولدانا هاخد بيتزا ميكس جبن
البنت١وانا هاخد ساندويتش برجر لحمه بالجبنه
البنت ٢بصتله وقالتلو انا هاخد كريب شيش طاووق ودي نفس البنت اللي شافها في السوبر ماركت حازم تنح شويه مش مصدق انه شافها لتاني مره في نفس اليوم بس لم نفس بسرعه تمام يفندم عن اذنكو
حازمادي الاوردر للناس اللي في المطبخ وسرح شويه المره الاولي شافها خطڤ لكن دلوقتي شافها عن قرب بشرتها القمحيه الحسنه اللي تحت شفتها عيونها الرمادي وشها اللي مفهوش ميكب رموشها الكثيفه ابتسماتها البسيطه وسال نفسه ياتري مين الولد اللي معاها ده بس ايديها مفهاش دبله فاق من سرحانه والولد اللي في المطبخ بيديله الاوردر انه خلص قال في نفسه بصوت مش مسموع يارب بكل جوارحه وكانه بيسكت افكاره خد الاوردر وراح حطه ومشي وكمل شغله عادي
خلص اليوم وعدي سنتين وحازم وباسم بقوا عندهم 20سنه بنفس النظام ام سليم بتعملهم الاكل بعد ماعرفت مواعيدهم وهما بيغسلوا الاطباق وينزلوها وبيصلو في الجامع علطول وبيروحوا شغلهم ويرجعوا يناموا لحد ما وقرروا يكملو تعليمهم وفعلا خلصوا سنتين دبلوم تجاره ودلوقتي اهو في اخر سنه وقربوا يخلصوا وفي يوم ام سليم طلعتلهم
ام سليماخباركوا ايه
حازم بخير الحمدلله
باسم وانتي عامله ايه
ام سليم بخير انا كنت عايزاكو في موضوع كده
باسم موضوع ايه خير
ام سليم خير ان شاءلله بس مش ان الاوان بقي تتجوزوا لو علي الشقق واحد فيكم يتجوز في الشقه والتاني ياخد الشقه اللي قدامهم وخلاص كلها كام شهر وتخلصوا الدبلوم انا الصراحه قدامي بنتين توام ادب واخلاق وجمال لو موافقين علي الفكره اوريكو صورهم عجبكوا تمام معجبكوش اشوف غيرهم
حازمبس انتي عارفه اللي فيها عشان كده الموضوع ده مينفعش
ام سليم واي اللي فيكو شباب زي الفل