رواية "حواديت مراد ومريم" ((كاملة جميع الفصول)) بقلم _مريم_جميل
خلصت جريت عندها
ها يا خالتو إيه المفاجأة
بصي عملتلك إيه كيكه الشيكولاتة
حضنتها جامد
أقسم بالله أنت أكتر واحده بتفاجإيني طب مش كنت تقولي مكنتش كلت
بس دي مش مفاجأتي
أومال إيه هي
شاروت بأيديها في مكان
هناك أهي
بصت مكان ما قالت وووو
حابه أخد رأيكم اخلي مريم ومراد يرجعوا ولا لأ
_يتبع
_حواديت_مريم_ومراد
_مريم_جميل
البارت التالت
شاورت بأيديها في مكان
هناك أهي
بصت مكان ما قالت لقيت مراد واقف مبتسم أتصدمت من وجوده بس مبينتش قرب منها وقال
وحشتيني أتغيرتي كتير على فكرة
لسا واصل من حوالي ساعه حاولت كنير أكلمك عشان أقولك بس كالعاده مبترديش
ردت ببرود
حمدالله على سلامتك أنا بس مش ببقى فاضيه أرد على حد
وهو أنا بقيت حد
سكتت فكمل هو
عامله إيه في الكلية بتاعتك
أهو زي الفل
يعني رافعه راسنا ولا إيه
لسا هترد قاطعتها أمه
لأ يا حبيبي أنا بنتي بتطلع الأول على دفعتها كل سنه وبأذن الله هتتعين معيده في الجامعه بعد ما تخلص
لأ يا خالتو معيده إيه أنت عايزاني أتشتم زي ما بشتم الدكاترة عندنا
مراد برفعه حاجب
وأنت بتشتميهم ليه
وبصت لخالتها
طب إيه يا خالتو مش هتأكليني من الكيكه
أنا عاملاها عشانك أنت اصلا
حبيبتي أقسم بالله
رد مراد
ألا قوليلي يا مريومه..
قاطعته پحده
إسمي مريم
أنت زمان مكنتيش بتحبي أندهلك غير بالأسم ده
أديك قولت كان زمان
أنت شايفه كده
أه
قام وسابهم دخل جوه فردت مامته
ليه بتعملي كده يا بنتي
بعمل إللي هو طلبه مني
أنت لسا بتحبيه يا مريم
لأ
عيونك بتقول غير كده
خالتو معلش مش عايزة أتكلم في الموضوع ده
إللي يريحك يا بنتي
سكتوا هما الأتنين مفيش دقايق ولقيوا مراد دخل بصنية الشاي فا ردت أمه
وأنا إللي فكرتك دخلت تنام
كنت بعمل شاي غلطت أنا
وبص لمريم
وبعدين مريم بتحب تشرب شاي مع الكيكه فعملته عشانها
بصتله بنظرة معرفش يفسرها
شكرا
سكتوا شويه فا أتكلم مراد
ألا قوليلي يا مريم ډخلتي ألسن
