رواية "طيف وتيم" (كاملة حتى الفصل الأخير)

انا اسفه يحبيبتى والله ما كان قصدي اللي جيه في دماغك دا حياة انتي اتولدتي وجيتي الدنيا عشان تبقي ليا وكل اللي حصل كانت ترتيبات ربنا عشان نبقى مع بعض خلاص بقى حقك عليا 
خدت نفس عميق واتكلمت بهدوء وهي بتغمض عينيها 
خلاص مش زعلانة انا عارفه انك اكيد متقصدش بس تقريبا هرموناتي زادت لوحدي كدا 
اتكلم بمرح لا يحبيبتي انتي هرموناتك ديما زيادة من ساعه ما حملتي فكي الطرحه دي كدا انتي مش حرانه ولا ايه 
بصتله بخجل 
وحشتيني 
و انت كمان يحبيبي اوي 
وبص في عينيها بعشق واتكلم بهمس 

انا وقعت اسير لعينكي يحياة 
اتكلمت بهمس وخجل 
انا جعانه!
و حاسه اني دايخه ماكلتش حاجه من الصبح 
بعد بوجهه عن وجهها بعض السنتيمترات واتكلم پخوف وحده 
ليه يحياة! 
بصتله پخوف ليكمل كلامه بحنان
طب هطلب الاكل وناكل مع بعض دلوقتي يلا 
اتكلمت بتلقائيه وبعض الخۏف 
مش عايزه اكل دلوقتي عايزه اكل معاكم كلكم ومع أبيه 
جز على سنانه پغضب واتكلم بهدوء منافي لي اللي جواه 
حياة متختبريش صبري عليكي اكتر من كدا ما انتي اكيد مش هتستني سي محمود وتسيبي نفسك من غير اكل وانتي اصلا بتقولي انا دايخه وجعانه 
حاولت تغير الموضوع 
ما انا هنام شويه وابقى صحيني لما تيجوا تتغدوا 
غمض عينيه واتكلم بهمس ممزوج بخوفه 
طب استني كلي اي حاجه خفيفه وبعدين اتغذي معاه هقوم دلوقتي اعملك سندوتش واجبلك عصير عشان الدوخه متنميش كدا يحياة وقومي غيري هدومك والبسي حاجه مريحه 
هزيت راسها بهدوء وكانت لسه هتقوم بس وقفها وهو بيتكلم پخوف 
استني انا هجبلك بيجامه وبعدين هجيب الاكل 
دخل غرفه الملابس وحاول يتحكم في نفسه وغضبه ومن جواه مضايق منها ومن اهتمامها بمحمود اللي شايفاه زياده ومش مسموح بيه بالنسباله 
طلع بالبيجامه وساعدها تلبسها وجابلها اكل بسيط واكلها بحنان واتكلم بهمس
بقيتي احسن 
هزيت راسها بهدوء وذهبت في نوم عميق 
محمود كان حاطط راسه على رجل امه اللي كانت بتحرك ايديها على شعره بحنان 
اتكلم بهدوء وحب 
بتشوفي رندا يا ماما 
فردوس بصتله بحزن ومقدرتش تقوله انها اتجوزت مش عايزة تشوف نظرات الحزن في عينيه اتنهدت بحزن واتكلمت بحنان 
ااه بتيجي هنا تعقدي معايا انا وحياة 
هز راسه ببأبتسامه اتحولت لڠضب واتكلم پحده
ريان قالي على كل اللي بيت عمي عملوه معاكوا انا هروح لكريم وهقوله يشيل حياة من دماغه خالص وميقربلهاش وهعرفه اني في ضهرها وانه ميقدرش يعملها حاجه طول ما انا موجود 
فردوس بحنان اعمل اللي يريحك المهم انك رجعتلي بالسلامه 
محمود
بهدوءماما انا هاخدك وهجيب شقه نعيش فيها مينفعش نعقد هنا كتير دا بيت ريان 
فردوس بهدوء حياة ممكن تزعل
محمود ما احنا هنيجي نزورها وهي هتيجي تزورنا برضوا اصل مش من الاصول خالص اننا نعقد في بيت جوزها صح ولا ايه 
فردوس بهدوء معاك حق خلاص دور على شقه واول لما تلاقي هننقل فيها 
بعد مرور ساعه 
كان الكل متجمع على تربيزه السفره ومشاعر الفرحه مش مفارقهم برجوع محمود 
حياة ببأبتسامه قولي ايه اللي حصل معاك بقى بالتفصيل سبناك تستريح اهو 
محمود ابتسم وبدأ يحكيلهم كل اللي حصل فردوس كانت بتسمعه وهي بتبص لريان ببأبتسامه
بصتله واتكلمت بحنان ودموع
مش عارفه اشكرك ازاي مفيش كلمه شكر هتوفيكي حقك انت فعلا ونعمه الابن لولاك ابني مكنش هيرجع لحضني ومحدش عارف كانوا ممكن يعملوا فيه ايه اسعدت بنتي وردتلها حقها من اول يوم عرفناك فيه وانت بتعمل كل اللي تقدر عليه عشان تسعدنا وجبتلي الدكتور وبفضلك بعد ربنا ممكن ارجع امشي تاني على رجلي ورجعتلي ابني من الم وت تسلم تربيتك يبني والله ما عارفه اقولك ايه مهما عملت