رواية رياح الألم ونسمات الحب (كاملة حتى الفصل الأخير)بقلم سهام صادق

عندي اد ايه 
ليتنهد حسام قائلا لما يبقي فيه هبقي اقولكم اوعدك وكمان انتوا محسسني اني كبرت وعجزت ولازم اتجوز النهارده قبل بكره ليه 
رشا بحزم بس لازم الي تختارها يادكتور تكون من مستوانا مش اي واحده والسلام ياريت تبقي عامل ده في حسابك تصبحوا علي خير
ليصمت حسام قليلا حتي يقول لأبنة اخاه كنت فاكر لما اسافر وارجع هلاقي أمك اتغيرت بس للأسف لسا زي ماهي 
لتنظر مها الي عمها قائله قول بس ياحوس ومتخابيش عليا حاجه سيرك في بير وبير غويط اووي كمان 
لينهض حسام من عي كرسيه قائلا بدعابه هي حصلت حوس


شكلك اخدتي عليا يابنت اتعدلي في الكلام
لتقف مها بجانبه لتتشبث في ذراعيه قائله مين بقي قول الي خليتك تفلسع ساره وتفكر فيها 
ليتنهد حسام قائلاوهو يتذكر خجلها تصبحي علي خير يارغايه 
مها بطريقه طفوليه ماشي ماشي ابقي افتكرها بس 
حسام بضحك حاضر من عنيا هبقي افتكرها حتي يصعد السلم متجها الي غرفته قائلا بأمل معقول يا هنا اكون حبيتك فعلا !!!
الفصل الثاني عشر
_ رواية رياح الألم ونسمات الحب.
_ بقلم سهام صادق.
وكلما تذكرنا سطوة الماضي علينا تذكرنا بأن ليس للحياه حاضرا نحيا من أجله أو مستقبلا نسعي لأجله فللماضي حقا سطوته ولكن للعبره فصڤعات الألم لا تأتي الا لكي نتعلم وليس لتصبح حياتنا بين الماضي وسطوته
كان يقرء أحد كتبه التي تفصله عن عالمه حتي لو قليلا ليغمض عيناه للحظات ولأول مره لا يسرح في ذكريات قد خانته ومزقته ولكن كان خياله يجلبها له ليسرح في طفولتها التي لم يعدها من قبل هي وأخته نيره ولكن معها شئ مختلف تماما . ليبتسم دون أن يشعر حتي يسمع صوت أحدهما 
هشام مازحا ومغمض عينك وسرحان وقولنا ماشي يمكن يكون عندك صداع بس بتضحك ديه غريبه 
وقبل أن يكمل هشام حديثه فارس بهدوء أنت جيت امتا 
ليضحك هشام قائلا من بدري خالص لاء وكمان شربت القهوه وهنيه حضرتلي العشا وكل ده وانت سرحان اكيد في جوليا صح 
ليصمت فارس قليلا حتي يقول جوليا مين اه افتكرت انت وصلتها الفندق 
هشام بحالميه بس جامده أوي جوليا ديه وعندك حق تسرح فيهاا أنا شكلي هنسي صوفيا وهركز مع جوليا 
فارس بجديه هشام ياريت تعقل شويه
هشام ضاحكا ما أنا عاقل أه أنت بقي ياعم الهيمان كنت سرحان في أيه ومين قول قول وانا بجد هفرحلك 
ليبتسم فارس علي صديقه قائلا أتعشيت ولا لسا 
ليتطلع اليه هشام قائلا السؤال ده المفروض ميتسألش لواحد عازب علي فكره هي فين هنا صحيح 
فارس بضيق معرفش !!
هشام بمرح يعني تبقي عايشه في بيتك ومتعرفش اوعي تكون مۏت البت يافارس اصل انا عارفك 
ليتطلع فارس اليه بضيق قائلا ياهنيه ياهنيه
لتأتي الخادمه اليه قائله نعم يافارس بيه !!
فارس بهدوء ممكن تحضري العشا وتطلعي تنادي أنسه هنا 
الخادمه بشك أنسه هنا لسا مرجعتش من بره 
فارس بضيق أزاي لسا مرجعتش من بره الساعه داخله علي تسعه دلوقتي خلي سيد ياناديلي السواق
لتتذكر هنيه شيئا قائله افتكرت هي رجعت من بره وخلت صفيه تحضرلها اكل بس ده الساعه 4 وخرجت تاني هو ده الي أنا فاكره معلش يابني الواحد كبر وبينسي 
هشام بقلق يعني رجعت وخرجت تاني طيب راحت فين هي ليها حد هنا يافارس 
ليسير هو بخطوات سريعه حتي يقف أمام الحارس قائلا أنسه هنا خرجت من أمتا 
ليتطلع اليه الحارس بفزع قائلا من العصر يابيه ده حتي عمي حسن سألها رايحه فين عشان يوصلها هي قالتله أنها مش هتتأخر وهترجع علطول لأن المكان مش بعيد 
ليتنهد فارس بقلق قائلا حضرلي العربيه وقبل ان يكمل حديثه !! 
هشام بفزع كنتي فين ياهنا 
هنا پخوف وهي تسير بخطوات بطيئه كنت 
حتي يقترب هو منها قائلا بسخريه كنت!! 
فيتركها مع هشام ويذهب الي داخل قصره 
هنا پخوف هو مزعئش ليا ليه 
هشام بهدوء ده هدوء قبل العاصفه علي فكره المهم فهميني براحه أنتي كنتي فين في الوقت ده 
لتتطلع هي الي قدميهاا بأرتباك قائله لازم يعني 
هشام ضاحكا لازم ياهنا أعرف عشان نقدر نرد علي فارس ولا أنتي فاكره انه مش هيسألك 
لتبتسم اليه هي قائله اصل أنا كنت بديله الدوا .
هشام بتسأل دوا أيه أنا مش فاهم حاجه وايه العلبه بتاعت الأكل ديه أنتي كنتي في رحله ولا أيه 
لتبدء هي تقص عليه كل شئ حتي يتطلع اليها هشام مبتسما قائلا بجديه الي عملتيه ده شئ محدش يقدر يتكلم فيه بس مكنش ينفع تروحي لوحدك عند حد متعرفهوش كنتي أتصلتي بيا او كلمتي فارس حتي 
لتتطلع اليه هي بدموع مكنش هيرضي وكمان هو مش بيكلمني من ساعة ما دخلت المرسم بتاعه 
ليضحك هشام قائلا هو الي مش بيكلمك ولا أنتي الي خاېفه منه يلا تعالي ندخل يامشاغبه بس طلعتي جدعه ياهنون 
لتبتسم هي بخجل ولا تعلم بأنه يراقبهما من خلف زجاج شرفة مكتبه حتي يضغط علي احد كفيه بضيق 

ولم يكن وجوده بحياتهم سوى بالعاصفه المهلكه التي لا تفعل شئ سوى أن تهدم وقف ليتطلع إليهم بشك قائلا مبقتش مطمن لقربكم الزياده ده من بعض ايه في ضره بتحب ضرتها !! 
لتتطلع اليه زينب بصمت حتي تقول كريمه وماله ياسي صالح لم نبقي أصحاب ده حتي هنريحك ومش هيبقي فيه مشاكل وهنبقي مرتاحين بذمتك أنت مش مرتاح
ليتطلع اليها صالح قائلا بسخريه وانتي فاكره لو مش هتريحوني هسكت


أنا لا ياحلوه تبقي متعرفيش صالح وهتجوز عليكم التالته عادي 
لتنهض زينب من علي احد الأرائك قائله تصبحوا علي خير 
حتي يجذبها هو من ذراعيها قائلا انتي رايحه فين وانا بكلمك 
زينب پألم رايحه أنام جنب بناتي ياصالح سيب دراعي 
صالح پحده انا صبرت عليكي كتير يازينب وسيبك تنامي جنب بناتك وساكت بس لحد كده ومافيش بيات تاني عند البنات لا إلا والله هتشوفي مني تصرف هتندمي عليه 
لتقترب كريمه منه قائله ماتسيبها ياسي صالح حرام عليك
ليدفعها صالح قائلا روحي أنتي علي اوضتك ياكريمه واعملي حسابك ان الأسبوع ده كله مش ليكي
لتبتعد زينب عنه قائله أنا قولتلك من يوم ما جوزت سلمي لمنصور وسيبت هنا للأغراب انت مش جوزي ولا بطيقك ولا بحب أسمع صوتك ياريت تسبني في حالي انا وبناتي وتطلقني ومش هتشوف وشي في البلد كلهاا 
ليضحك صالح بسخريته المعتاده قائلا وهتلاقي مين يصرف عليكي انتي وبناتك اه صح اخوكي الي طمعان في أرضك ولا عمره في حياته فكر يزور اخته الوحيده بلا هم 
لتلتف هي بعينيها بعيدا عنه فتمسح دموعها قائله اتجوز ياصالح التالته والرابعه بس سيبني انا في حالي انا خلاص بقيت عايشه عشان اربي البنتين الي حيلتي واه عايشه خدامه عندك وخلاص 
صالح بسخريه والخدامه بتسمع كلام سيدها يلا قدامي 
لتتطلع اليه هي پخوف حتي يجذبها من ذراعيهاا ليدخل بها غرفتهما وما أن أدخلها قال بسخريه اتخمدي عيشه تقصف العمر ست مبيجيش من وراها غير الهم والنكد بس المهم اني عرفتك اني الراجل يازينب وكلمتي لازم تتسمع وانا الي أسيب حقي بمزاجي مش انتي الي تمنعيني 
لتسقط دموعها علي رجلا كانت تظن بأنه حقا سيكون لها ضهرا وسندا ولكن هيهات .
.
جلس بجانب صديقه ليقول بتنهد ليه طيب توجعها كده يافارس حرام عليك ليه ظنك ده 
فارس بضيق الهانم جيالي متأخر ولوحدها عايزني اقولها ايه شطوره ياحببتي اعمليها تاني 
هشام بهدوء بس مش تقولها ان البيت ده بيتك انت ومش هتسمح لحد أنه يخالف أمرك والي يخالفك يشوفله مكان تاني انت ناسي يافارس ان هنا بتتحامي فيكم ديه حتي مقدرتش تتكلم ومافيش غير دموعها بس 
فارس بضيق انت مهتم بهنا ليه كده ياهشام 
هشام بخبث بحبها
حتي ينهض فارس من علي كرسيه قائلا پألم لا يعرف سببه بتحبها 
هشام أيوه بحبها أيه هو مافيش اخ وصديق بيحب أخته يعني ولا أيه 
فارس بتنهد ياا للدرجادي بقيت تعز هنا 
هشام بهدوء أنا من ساعة ماشوفتها وانا بشوف نفسي فيها محدش بيفهم التاني غير من نظرة عينيه الي كلها حزن ودموع فحسيت اني لازم أكون ليها سند وضهر وتقرييا الأخ هو الي بيقدر يدي ده فأعتبرتها جزء مني 
فارس بهدوء لولا أني عارفك ياهشام أنا كنت شكيت
هشام ضاحكا مش عايز تعرف يا أستاذ يامحترم هي كانت فين يمكن تبطل تسرعك علي البنت الغلبانه ديه شويه 
ليقص هشام له كل شئ حتي يتنهد قائلا كانت بتساعد الطفل الي شافته جنب قصرك وهو بيحاول أنه يدخله الطفل كان بيدور علي أي مساعده من اي حد ومكنش في حد قريب ليه غير هنا ولما لقيته محتاج أكل ليه ولأمه دخلت تجيبله الأكل بسرعه ومشيت معاه لما شافت الولد بيترعش خاڤت عليه هي الي عملته فعلا تهور بس دافع الأنسانيه مبيجيش غير كده ولولا أنها راحت معاه مكنتش هتعرف أن الست الي بتربيه جدته العجوزه مش أمه وانها بتتألم من الۏجع بالأصح الجوع فساعدتهم زي ما أنت بتساعدها كده 
لينهض فارس من علي كرسيه وهو شاردا فيقول طيب ما قالتش ليه للسواق يوصلها او قالت لحد من الخدم 
هشام قائلا ما أنا قولتلك دافع الأنسانيه مبيجيش غير بالتهور ومن غير اي رد فعل 
لينهض هشام بدوره من علي كرسيه قائلا تصبح علي خير سلام 
ليرحل هشام ويجلس هو ثانية علي كرسيه حتي يفتح أحد أدراج مكتبه فيخرج وشاحها الذي كان لا يعلم بأن صاحبته ستصبح الان معه فيظل يتأمله حتي يقربه من أنفه ليستنشق عبيره قائلا بابتسامه صافيه طفلتي ذات الوشاح الازرق !!
.
وقفت امامه وهي تقول بدلع يعلم سببه ايوه كده ياسي منصور لازم تلوي دراعها وتعلمها الأدب حتة العيله ديه البت كانت بتفكر تنزل العيل يالهوي ولا ايه تقول ان انا الي كنت عايزه اوقعها من علي السلم 
ليتنهد منصور بضيق حتي يتطلع اليها بنظرة فاحصه خلي بالك منها ياثريا وعارفه لو العيل نزل مش هحاسب غيرك انتي 
لتتطلع اليه ثريا بضيق قائله واشمعنا فاطمه انت مش بتحظرها ماهي ضرتها ولا انا بس الي پخوف وشريره
منصور قائلا ياشيخه حرام عليكي فاطمه بنت عمي ما بتتكلمش وفي حالها طول عمرها تصدقي انها هي الي فيكم ياريت كنتي خارسه زيها ومبتتكلميش كنتي ريحتيني من لسانك