روايه نصيب القمر (الفصل الخامس والاخير) بقلم زهره الربيع

ووقفت مكانها و قالت انا مش هينفع اجي معاكي انا اسفه انا متجوزه جوزي معايا خلاص مبقتش محتاجه مكان اقعد فيه هو معايا ومكفيني وزياده شكرا
طه ابتسم بدموع وفكر في حالتهم وانهم لسه قاعدين في اوتيل وممكن في اي وقت ميبقاش معاهم تمنه اتنهد وقال تقدري تروحي معاها يا قمر احنا اتجوزنا علشان اخلي بالي عليكي لحد ما تلاقيها كده نقدر نطلق و
بس قمر قالت بسرعه انت بتقول ايه انا لايمكن اخسرك وبصت لشهيره وقالت شكرا قوي على اللي عملتيه معانا حضرتك عملتيلنا خدمه كبيره قوي بانك بعدتي حمزه عننا بس انا مش هقدر اجي معاكي انا ما اقدرش استغنى عن جوزي
شهيره ابتسمت بسعاده وقالت شبه امك في كل حاجه حتى في اخلاصها بس امك للاسف اخلصت للشخص الغلط اتمني تكوني انتي اخترتي صح يا حبيبتي
قمر قالت طه اختبار ربنا ليا مش اختياري وهو اجمل انسان ممكن تشوفيه
شهيره ابتسمت وقالت كده تمام خالص انا عندي شقه صغنونه كده محندقه على القد جنب الفيلا ممكن تيجي انتي وجوزك وتفضلي معاه هناك و تبقوا تحت عيني وجنبي 
طه قال بسرعه لا طبعا انا ما اقبلش كده
شهيره قالت انت مش هتعيش بلاش انا هشغلك معايا اي شغلانه هناك انت شاب في اول عمرك اكيد هلاقي لك شغل كويس
ابتسموا بسعاده هما الاثنين و قمر قالت بحماس طه بيشتغل عنده عربيه وبيشتغل عليها بيودي حاجات ويقدر يساعدك في اكثر من حاجه
شهيره قالت بسرعه ده كده ممتاز جدا يبقى انت هتشتغل معايا على عربيتك وفي النهار قمر هتفضل معايا هستناكم في العربيه
شهيره نزلت وطه جري على قمر حضنها بقوه وقال انا ممكن انسى اسمي ومش هنسى انك موافقتيش تروحي علشاني
قمر بصت لعيونه بدموع وقالت وانا ممكن انسى اسمي ومنساش وقفتك معايا من اولها لاخرها قد ايه ربنا لطيف بعباده قد ايه بيحبني لو كنت لقيتها من اول يوم يستحيل كنت فضلت معاك ولا حبيتك كده
طه بص لعيونها وقال بجد يا قمر بتحبيني
قمر قالت بعشقك عشق يا طه بحبك من جوه قلبي ربنا يخليك ليا
طه باس جبينها بسعاده وقال ويخليكي ليا يا قلبي ما يحرمنيش منك في اي يوم 
علشان تصدقيني لما قولتلك فيه عمل والنمله اكيد مدفونه في الأوتيل ده
قمر ضحكت وضړبته و قالت مش وقت جنانك ده ويلا الست مستنيانا تحت
طه ابتسم وبص لعيونها وقال انا هعمل كل اللي اقدر عليه علشان اخلي السعاده متفارقكش يوم واحد
قمر قالت بابتسامه انت مش محتاج تعمل حاجه انت سكنت قلبي من اول ما
شوفتك من اول يوم وانت مفرحني ومهون عليا خليك جمبي وهبقى اسعد واحده في الدنيا يا اجمل نصيب
وقال انا ديما جمبك يا قمري اللي سكن اجمل ليالي عمري
ونورها وبحمد ربنا انو خلاني نصيب القمر