رواية كبرياء أنثى (كاملة حتى الفصل الأخير) بقلم مرام
احاجيج افهمج
اني شتفهمني ياحضرة المحامي المحترم بنات الناس لعبه بين ايديك.. اني هسه افتهمت كلشي ليش هيج اتسوي شسويتلك اني
حيدر ريتا حبابه بس اهدئي
وأخذت التلفون وقررت أقدم استقاله واتصلت ب المدير
اني الو السلام عليكم
المدير هلا و بنيتي خير خو ماكو شي
اني استاذ تكدر تجي للمكتب أريدك بشغله ضروريه
المدير يعني متتاجل كلش مشغول هسه
المدير ليش بنيتي منو مضوجج
اني ماكو احد بس بعد مااكدر اداوم
المدير براحتج بنيتي اني ايعز عليه استقالتج بس ماطول هذا اليريحج راح اسوي واني اعتمدت عليج بقضايا هواي بس شسوي
اني البركه بيكم استاذ انتو موجودين اني اشكرك كلش هوايه مع السلامه
المدير مع السلامه
وقدمت استقالتي خليتهه عل المكتب وحيدر حاول يحجي ماانطيته مجال وطلعت من المكان الي اجيت إله بفرحه وبلهفه ومر كدامي شريط حياتي اني دلال أبويه إليه.. ۏفاته... أمي.. خوفه علينه.. وشكد جنت مرتاحه وهسه طلعت مكسوره ماادري وين اروح ش اكلهه لأمي.. رحت الحديقه عامه وكعدت عل المسطبه مالكيت احد وكعدت ابجي وابجي لحد ماحسيت روحي احسن ورجعت للبيت!!!!
طبيت للحمام سبحت فتحت الدوش واني بغير عالم طلعت رحت لغرفتي نمت وب الاحرى مانمت بس اتكلب وبحسره وحزن
ليش الدنيا دوم ضدي والتفكير كتلني ضليت ايام واني هيج حالتي لا اكل ولا شي ماانزل مااشوف اي احد بس صافنه.. كلت ل بسمه كلشي وكالت لأمي المدير طردهه..
وتفتحلي قرآن وتقره عل راسي آيات قرآنية..
وصلت لدرجه ملابسي مااكدر اغيرهه.. مجرد امي تدخل للحمام ويايه اتسبحني واتطلعني جسد بدون روح..
بسمه يوميه تجي اتسولف ويايه واتحاول اتضحكني وبيومهه دا اكوم من الجربايه مااكدر اجتني دوخه كلش قويه ووكعت
دخلت امي شافتني واكعه اخذوني للمستشفى عندي فقر ډم حاد وهبوط.. بقيت ايام بالمستشفى عل المغذيات والأدوية ماحاسه بأي شي تحولت إلى انسانه ثانيه امي بس تبجي عليه وخسړت حته صحتي..
بسمه يمه استهدئي بالله هسه اتكوم بسلامه خلي ندعيلهه
امي ياربي اتكومهه بسلامه يارب
جو يمه هاكم هذا اكل جبتلكم اكلو
امي وين اشتهي شي واختج عل هاي الحاله
بسمه يايمه ميصير لازم تاكلين خو مااطيحين اتي هم اكلي يايمه لازم اتشوفنه أقوياء مو انطيح
وبمرور الايام بعد مااستعدل دمي طلعوني من المستشفى رجعت للبيت وامي اتداري بيه وشويه شويه كدرت اكل بس بعدني دايخ ه..
بوقت الي لازم اني إداري امي هيه دارتني وماعافتني وصار شهرين عل مرضي وكدرت اكوم لخاطر امي لازم اكو واصير قويه وكمت اكل شويه شويه..
بسمه سوتلي فيس وكالت التهي بي وضفت صديقاتي ورجعت مثل قبل.. وخلال مرضى ب الايام الاخيره صديقاتي سمعن واجن للبيت وكلش اتونست ب شوفتهم ومن هاي وقررت اكوم وارجع مثل قبل..
وبهذا الوقت وصار عرس بسمه وكلش اتونسنه بالحفله وعرسهه كلش حلو.. لبست فستان نفش وردي اني كصيره ايلوكلي هيج شي وميكب حلوو وبسمه طلعت جمال شكد مافرحتلهه شكد ما حزنت عل فراكهه.. وراحت وي أحمد لتركيا شهر عسل..
بقيت التهي بشغل البيت وره عرس
