رواية ميراث نور (الجزء الثاني 2) بقلم لينا بسيوني

وشوفته وهو بيدخل البلكونه وبيقول لماما 
البلكونه كلها تراب !!
فقالتله وهو فى الاوضه 
مانا قولت للخدامه تنضفها بعد ماتجيب الشنط .
بابا قالها 
وقوليلها كمان ماتنساش تسقى الورد ...
قطع كلامه لما لقا قرد بيتنطط فوق شجره وهو ماسك يافطه مكتوب عليها 
أنا نيللى ياماما!!!!!

نادى على ماما وهو بيفرك عينه ومذهول ماما جات و قالتله 
فيه أيه يا...
أتصدمت لما شافت اللى شافه بابا !!
Lina Basyouni
الاتنين جريوا فى الشارع وقربوا من الشجره نزلت من الشجره وقربت عليهم وانا ببكى بدموع القرد .
ماما كانت بټعيط وبابا كان بيبصلى  وهو مش مصدق 
ماما قربت عليا....
فبابا قالها 
هزيت راسى وحركت صوباعى وانا بقوله 
لا والله يابابا أنا نيللى والكلب نور هو اللى سخطنى كده 
بس طبعا طلع صوت قرد.
قلبت فرخ الورق و كتبت عليها قدامهم 
أنا نيللى ياماما سناء ..
Lina Basyouni
جابولى ورق وقلم وبابا فضل يسألنى أسئله كتيره علشان يتأكد أنى نيللى سألنى عن تاريخ ميلادى وأسم جدى وجدتى وغيره
عقله مكنش مصدق  أن بنته بقت قرده !!
بابا أتأكد انى نيللى وشوفت فى عينه الحيره والغيظ و الرغبه فى الفتك والاڼتقام من اللى عمل فى بنته كده .
سألنى على كل اللى حصل وأنا كنت بجاوبه بكلمات بسيطه بكتبها على الورق  لخصت فيها  الحكايه وقولته ان طارق كمان ممكن يكون ملعۏن زيي ...
Lina Basyouni
بابا خبى الموضوع عن كل الناس حتى الخدامين خلى محدش يدخل عليا الاوضه غير ماما وبعت  لعمو بابا طارق علشان يجى الفيلا
عمو وصل الفيلا وبابا هحكاله على اللى حصل.
عمو مكنش مصدق فى الاول بس لما سألنى حبة أسئله عن طارق والعيله ولاقانى بكتب وبجاوب بدقه فأتصدم  هو كمان!!!
بابا وعمو أتفقوا  يجيبوا كل السحره الكبار اللى فى البلد واللى بره البلد .
أول حاجه عملوها السحره جابوا مرايه سودا وحطوا ادمها شوية حاجات وفتحوا حاجة اسمها مندل!!
وعملوا شويه حاجات غريبة علشان يلاقوا طارق وأتصدمنا لما عرفنا أنه ماټ !!
Lina Basyouni
عمو أبو طارق كان ھيموت من الغيظ وكان ناوى يروح ېقتل نور فى وقتها .
بس بابا هداه علشانى ووعده اننا هناخد كلنا بتارنا لما يعالجونى خاصة ان السحره حذرونا من الجن القوى  اللى معاه واللى بيحميه
السحره حاولوا يرجعونى لهيئتى بس كلهم فشلوا يرجعونى  بنى أدمه تانى .
فضلوا سنه بيحاولوا يعالجونى  لحد ما بابا وصل بعلاقاته لساحر أفريقى قوى جابوه من الهايتى
أخد مبلغ كبير علشان يرضى  يجى مصر وقدر  يفك لسانى ويخلينى أتكلم بصوتى زى البنى أدمين بس مقدرش يغير هيئتى لبنى آدمه..
Lina Basyouni
المترجم بتاعه قالنا أن السحر اللى عليا قوى جدا  ومعمول من جن قوى وشغلانته نادره فى عالمهم وقالنا أسم الجن اللى عمل القميص  نصير 
وقال أنى مش هينفع أرجع  بنى أدمه تانى غير بالقميص اللى أتلعنت بيه وانه ممكن يساعدنا نتغلب على الجن اللى مع نور !!!
سألنا على نور وعرفنا انه خلص السنه ورجع قريه أسمها النيارين ..
حاليا أحنا فى الطريق لقريه النيارين أنا و بابا و عمو ومعانا  كتيبه مسلحه من البلطجيه وعشرة من أقوى السحره اللى جولنا وعلى رأسهم الساحر الافريقى  هننزل مباشرة على الكهف اللى عايش فيه الكلب نور مع مراته سندس وهتشفى فيه هو ومراته بعد ما أخد القميص وأرجع بنى أدمه تانى ..
يتبع.....
لينك الحلقه اللى بعدها
رواية_ميراث_نور
الرواية محفوظه بموجب قوانين الملكيه الفكريه وسرقتها تعد چريمه
رواية ميراث نور الجزء الثانى 
الحلقة التانيه  بعنوان نور 
قبل الھجوم بدقائق ..
Lina Basyouni
كنت قاعد مع سندس بنتعشى سمك فى الكهف !! وكالعاده مبنبطلش أكل و ضحك .
قالتلى 
أنت برده مش مصدقنى !!
قولتها 
أصدقك أزاى يعنى !  هو أنتى رسول ولا نبى يابنتى !!
قالتلى 
طيب وحياتك عندى ياسيدى انا دعوتى مستجابه !!
قولتلها 
أدينى مثال !!
قالتلى 
مثال واحد بس !! قول أمثله طيب أقولك على حاجه أنا قابلتك و أتجوزتك بدعوه !!
Lina Basyouni
قولتلها بأستغراب 
أزاى يعنى !!
قالتلى 
قبل ماتيجى البلد بليله واحده كنت عند المقام وببص على صورتك اللى متعلقه عليه وقولت يارب يا تودينى  زمانه وأتجوزه ..... ياتجيبه زمانى وأتجوزه برده !!
تانى يوم لاقيتك فى البلد ومن ساعتها وانا متبته فيك.

قولتلها 
أنتى بتحورى يابت ... أزاى !! دا انتى  مكنتيش مصدقه اصلا  أنى طالبك للجواز !!!
قالتلى 
والله ياسيدى ده حصل أنا مكنتش مصدقه أصلا أنك جيت زمانى .
وسكتت شويه وقالت 
طيب انا مره دعيت على زعروره الحلاق يجيله تعلبه فى شعره علشان ضربنى....
قطع كلام سندس باب الكهف اللى بيخبط جامد!!!