رواية ميراث نور (الجزء الثاني 2) بقلم لينا بسيوني

مش درويشه وجاهلة وكمان مبتخلف..
قطعت كلامها وقولتلها 
أنتى عبيطه يابت مانتى درويشتى أصلا .
الدكتور دخل علينا وأحنا بنتكلم علشان يطمن على سندس فقولتله 
دكتور أنا أسف بس هسألك سؤال شخصى !!
بصلى بأستغراب !! فقولتله 
Lina Basyouni
لو قدامك أتنين  حلوين والمفروض تتجوز منهم واحده هاى كلاس أوى وواحده درويشه ليك مبتفكرش فى حد فى الدنيا غير فيك بتتمنى ليك الرضا ترضى وسبب سعادتك وضحكتك فى الدنيا هتختار مين !!
قالى 
أوعدنا يارب بالدرويشه !!

قولت لسندس 
شوفتى !!! أى راجل سوى فى الدنيا هيختار الدرويشه.
الدكتور كشف عليها وقالنا 
هى الحمد لله كويسه!!
قولت للدكتور 
يعنى نقدر نخرج النهارده !!
قالى 
أها طبعا بس لما تدخل الحمام أو تخرج ريح علشان نطمن على حركة الامعاء والمعده !!
وكتبلنا على شوية أدويه .
رجعنا على الكهف سندس كانت لسه حزينه أجتهدت علشان أخليها بس تبتسم وأبتدت تضحك لما رجعت فى يوم وانا فى أيدى أكتر أكله بتحبها السمك أخر مره اكلنا فيها سمك كانت يوم الھجوم على الكهف .
الايام عدت وكنت لسه مافتحتش الخيمه لحد ما سمعت نصير بيقولى  
 نينو !!!
قولتله 
نعم يانصه !!
قالى 
عايزين نشتغل !!
قولتله 
ياريت يانصه أصلى زهقت أوى من القاعده بقالنا كتير أوى .
قالى بحماس 
طيب يلا بينا !!
فتحنا الخيمه و بعت سندس تعرف الناس اللى فى القريه وأستنينا الناس تيجى !!
بس مفيش غير حالتين بس اللى جم طول النهار !!
قولت لنصير 
في أيه يانصه !! فين الطوابير !! الناس راحت فين !! ده حتى اللى كانوا متابعين معانا العلاج مجوش !!
قالى بأستغراب 
علمى  .. علمك  !! بس وش كده في حاجه غلط !!
قولتله 
ماتروح تطقص وتعرفلنا أيه اللى بيحصل !!
أختفى نصير وغاب شويه ورجع.
قولتله 
أيه يانصه !!
Lina Basyouni
قالى 
سألت عمار كذا بيت فى القريه وياريتنى ما سألت !!
قولتله بفضول 
أنجز يانصه في أيه !!
قالى 
شهاب و نيللى !!
قولتله 
مالهم !! وأنجز أحكى الكلام مره واحده ماتنقطنيش.
قالى 
نيللى وشهاب عاملين خيمه كبيره فى القريه اللى جمبنا قرية شهاب  وعامل الخيمه على أنه بيعالج الناس مجانا بما أنه بيدرس طب بس الحقيقه أنو هو ونيللى بيعلموا الناس السحر الاسود وبيقضوا حاجة الناس اللى تخص منفعتهم الشخصيه و أذية الغير بقى اللى عايز تجارته تكسب يروحلهم واللى عايز يأذى حد يروحلهم .
بيربطوا الرجاله وبيسلطوا الجن يلبس الستات وبيعملوا أعمال وپيدفنوها فى المقاپر وكله ببلاش .
قولت لنصير وانا مصډوم 
نفس اللى كان بيعمله جد شهاب خزاعى !!
سكت شويه وقولت لنصير 
طيب ازاى يانصير شهاب لسه معاه جن هو مش أحنا قضينا على جيشه كله وقت المعركه !!
نصير قالى 
Lina Basyouni
أولا خد بالك من كلامى انا قولت شهاب ونيللى يعنى نيللى كمان بقى عندها جن !!! وبقت تمارس السحر !!! أنما بقى هو جاب جن تانى منين فأكيد حضر جن تانى هو مش هيبقى بقوة اللى كانوا عنده بس لو بيحضر كتير ممكن يحقق معادله الكتره تغلب الشجاعه خاصة أن نيللى  بتحضر هى كمان معاه وبتعلم الستات أزاى يسحروا أجوازهم وأزاى يأذوا غيرهم .
قولتله 
ليه الناس بتعمل كده !!
نصير قالى 
السحر وسيله سهله وقويه فى الاڼتقام والناس زى ماعندها رغبة قويه فى الاڼتقام من أعداؤهم عندهم الفضول فى انهم يشوفوا فعالية السحر اللى عملوه ومتنساش أن السحر ممكن يخليك تاذى عدوك من غير مايبقى عليك مسئوليه جنائيه وفى حالة شهاب طبعا الاڼتقام مجانى !!
بس اللى الناس دى ماتعرفوش أنهم هيتنفخوا دنيا وأخره !!
فى الدنيا لو حد أبطل السحر ورده اللى فاعله ساعتها اللى عمل السحر هيتنفخ غير الاخره بقى .
قولتله 
طيب وبعدين يانصير هنعمل أيه !!
قالى 
مفيش فى أيدينا حاجه الناس هتفضل تروح لشهاب ومحدش هيعبرك  مع شهاب بيحققوا مصالحهم انما انت بتقولهم الطاعه لله !!
وعلى فكره احنا لازم نتحرك بسرعه لآن الموضوع مش ببلاش زى ما ماشهاب بيقولهم مفيش حاجه ببلاش فى السحر الاسود وأكيد شهاب بيحضر لحاجه زى جده .. وممكن يكون بيحضر المخلوقات  اللى كان بيحاول يحضرها جده !!  وممكن يقدم كل الناس اللى راحتله أضحيه ليهم.
قولتله 
لازم نوقفه يانصير .
قالى 
مبقناش عارفين نوقف مين ولا مين !! حياتك كلها مشاكل بقيت أكتر حد عنده مشاكل فى أجدادك كلهم .
سكت شويه وقالى
المفروض اول حاجة نعملها نخلى الناس تبطل تثق فى شهاب وفى سحره .
قلتله 
ازاى !!
قالى 
هنعمل حملة تنضيف فى المقاپر اللى دافنين فيها أعمال للناس ونبطلها نمنع الاڈيه الاول وعايزين نخطط كويس المره دى وبلاش نروح نبلغ عنهم زى المره اللى فاتت ...  واخد بالك يانينو !!
أكيد شهاب عامل حسابه والا مكنش عمل خيمه فى وسط