رواية الكاميرا الملعــــــونة (كاملة حتى الفصل الأخير)منال سالم

التعبير اللي كان على وشها وقت ما كان هو بيحاول يوقظ مشاعر التوق والرغبة والسعادة فيها كان حقيقي مش مجرد تمثيل رخيص أو مفتعل ببساطة قدرتها على الإقناع كانت كفيلة إنها تجبر أي حد بيتفرج عليها إنه يستمر في المتابعة ويدور على كل الفيديوهات اللي تخصها ما هي نجمة الموقع الشهير واللي بسببها بنحقق كل المشاهدات الخرافية دي لدرجة إن هي أصبحت من المشاهير في العالم ده أي حاجة كانت بتتطلبها بتتنفذ ما هي الملكة المدللة هنا والكل موجود بس علشان يسعدوها ولو هي في يوم فكرت تسيب لوكيشن التصوير هنخسر جمهور بالملايين. 

نسيت أقولكم أنا كنت مفكرها شغلانة زي أي شغلانة أجيب منها فلوس ودخل أصرف بيه على نفسي ما هو الحياة هنا غالية وكل حاجة بتتعمل لازم تدفع مقابل ليها صحيح وظيفتي تعتبر متواضعة أو تقدر تسميها بس ده اللي كان موجود قدامي أنا شغال في مونتاج الأفلام القصيرة بس مش زي ما هيجي في بالك أفلام عادية أو حتى بتاعة مهرجانات ولا وثائقية لأ النوع التاني بتاع الفرفشة اللي يحسسك إنك ملك زمانك وكل البنات الحلوة موجودة علشان بس تسعدك وطبعا مش هتكلم عن المشاهدات اللي بالملايين وهي دي اللي باخد من مجمل الربح أجرتي. 
مهمتي كانت معروفة أخد الفيلم بعد ما يتصور أعمله مونتاج وأقص وأركب لقطات وأعمل دعايا وبروباجندا بمحتوى يحفز المشاهد إنه يدور علينا ويتابع كل الموجود واحنا نكسب وهو يتبسط والكل يبقى مرضي وفرحان.
مانكرش إني حاولت أدور على حاجة تانية مناسبة ليا تليق مع مهاراتي بس الصراحة كانت فرصتي محدودة قصاد ناس كتير معاها خبرة وشهادات وتوصيات وأنا لا أملك من ده كله إلا كفاءتي المحدودة. أثناء ما كنت مشغول في المونتاج جه مارك صاحبي يسألني
محتاج الكاميرا دي يا جو
بصيت ناحيته وسألته
كاميرا إيه
رد وهو بيوريهالي من برا كانت لسه جوا علبتها الكرتون
واحد أعرفه جبهالي وقالي فيها مميزات كتير بتصور بعدستها وبتسجل فيديو كمان بس الصراحة أنا مرضتش أكسفه لأني مافهمش في التصوير وحواراته.
من غير ما أبص عليه قولتله
حطها عندك في أي حتة وأنا هشوفها بعدين.
لاقيته بيقولي
خد بالك هي بتسجل فيديو بعد ما الفلاش بتاعها يضرب 3 مرات!
سألته بتهكم
اشمعنى يعني
قالي وهو رايح ناحية باب الأوضة
الظاهر ده السيستم بتاعها.
ماركزتش معاه أكتر من كده وكملت شغلي ما أنا ورايا حاجات كتير لازم أخلصها وأسلمها وبعدها تترفع على الموقع ونشوف نسب المشاهدات. 
النهاردة بالذات كان لوكيشن التصوير زحمة ما هو نجمة الموقع موجودة والكل بيحاول يراضيها علشان تكمل اللي ناقص من آخر لقطات فيلمها في العموم أنا مكونتش مهتم زي غيري إني أشوف اللي بيعملوه على الهواء ما هو كله اشتغالات وكذب وحاجات تانية ما ينفعش
تتقال ولا تتعمل الصراحة