رواية اڼتقام خاطئ (كاملة حتى الفصل الأخير) بقلم نيڤين بكر

الفصل الاول
في احد الاحياء القديمه بالاسكندريه داخل بنايه سكنيه تجلس ملك وحدها تتناول الفطور فهي تعيش بمفردها منذ ۏفاة والديها في حاډث 
يرن جرس الباب فتقوم تفتح الباب 
سارة ...صباح الخير ي لوكا
ملك... صباح الفل ي سوسو 
سارة جارة ملك وصديقة طفولتها في نفس سنها في السنه الاولي من كليه الطب فكان حلمها هي ملك منذ الصغر ان يصبحوا اطباء ولكن ملك حولت ل تجارة كي تستطيع دفع المصروفات 
سارة..ها فطرتي 
ملك ..ايوة فطرت 
سارة..هتعملي ايه النهاردة بردو هتروحيلوا
ملك ..ايوة لازم اشوفلي حل معاه 

سارة ..طيب لو عمل معاكي زي كل مرة وماطل هتعملي اي
ملك ...والله ماعارفة انا مش معايا حتي ورق يثبت حقي 
بابا الله يرحمه كان واثق فيه جدا 
سارة..طيب ي حبيبتي ربنا يوفقك ويحنن قلبه عليكي ويديكي حقك
ملك ..يارب ياسوسو 
تخروج الفتيات من بيت ملك فيجدوا الست فاتن ام سارة
امام بيتها 
ام سارة ...ها ي بنتي نازلة
ملك ..ايوة ي طنط باذن الله 
ام سارة ..ربنا يوفقك يارب
ملك..يارب ي حبيبتي ادعيلي 
الست فاتن ام سارة جارة ملك وكانت صديقة لوالدتها فهي تحبها كابنتها ووقفت معها بعد ۏفاة والدتها ووالدها منذ اكتر من سنه
ملك.. هنزل انا بقي 
ام سارة ..ماشي ي حبيبتي ماتتاخريش
ملك... .حاضر ي طنط سلام
تنزل ملك الدرج فتجد دكتور عصام الساكن في نفس البنايه يقفل باب شقته 
دكتور عصام ..صباح الخير يا ملك 
ملك .. صباح الخير ي دكتور
دكتور عصام ..طبيب متخصص ف امړاض النسا والتوليد
يعمل في احدي المستشفيات الخاصة 29سنه معجب ب ملك ولكنها تعتبره اخ لها ليس اكثر
اما سارة فهو عشقها منذ الصغر
عصام..رايحة في مشوار تحبي اوصلك 
ملك شكرا ي دكتور مش عوزة اتعبك معايا
عصام.. مفيش تعب ولا حاجة يلا بينا
تركب ملك مع د. عصام عربيته ويتجهوا الي مكتب 
شريك والدها كي تتوصل معه في حل ل مشكلتها
في فيلا الجد سليم المهدي
في غرفة فهد يقف بهيبته امام المراءة يرتدي ملابسه
وينظر من خلالها لتلك النائمة ويتقدم اليها بتأفأف
ويجلس بالقرب منها 
فهد..روجيدة يلا قومي عشان تفطري معانا انا كدا هتاخر 
روجيدة ..بهمهمه حاضر ي حبيبي انزل انت وانا هحصلك
فهد ..10دقايق بالكتير لو مالقتكيش نزلتي مفيش خروج النهاردة
روجيدة...حاضر حاضر ااقل من 10د وهتلاقيني تحت
ينزل فهد ويتركها كي تجهز
روجيدة الصواف 27سنه من اكبر عائلات في اسكندريه 
جميله و شيك جدا تحب فهد ولكن تحب المال والنفوز اكثر متزوجة من فهد اكتر من سنتين ولم تنجب وهذا ما يعكر صفو حياتها فالجد يصر يوميا عليها وعل فهد للذهاب للدكتور فأمنيه حياته رؤية حفيد ل اكبر وريث له فهد
في غرفة الطعام 
نجد الجد يترأس الطاوله ويجلس بجانبه عمر 
يدخل عليهم فهد ويقبل يده
فهد.. صباح الخير ي جدي صباح الخير ي عمر
عمر.. صباح الفل 
الجد سليم ..صباح الخير ي حبيبي فين ميراتك
فهد ..بتجهز ونازله 
الجدسليم ..هتعمل اي النهاردة 
فهد ..في مشروع جديد هجيب الورق النهاردة باذن الله ندرسه مع بعض 
الجد سليم ..عل خيرة الله ي ابني
فهد ...اومال فين جني هي مش هتفطر معانا ولا لسة نايمه
جني من خلفه..ودي تيجي ي ابيه بردو 
صباح الخير ي ابيه وتقبل يد جدها صباح الخير علي عيون احلي جدوو
الجد سليم صباح الفل ي حبيبة جدوو
صباح الخير ي عمر قالتها وهي لا تنظر اليه
عمر ..صباح الخير 
الجد وهو ينظر لهم من تحت النظارة هو ف حاجة مزعلاكي من عمر 
جني .وهي تنظر ل عمر بغيظ ابدا ي جدوو مفيش
عمر وهو يتجاهلها ..طيب ااقوم انا ل هتاخر 
الجد سليم .. انت لسة مااكلتش 
عمر لا كفايه كدا انا الحمد لله شبعت وينظر بتعالي ل جني ويلقي السلام عليهم ويذهب 
جني بغيظ .غتت
الجد ..بتقولي حاجة ي جني 
جني هاا ابدا ي جدوو 
تدخل عليهم رجيدة ..صباح الخير ي جماعة وتجلس بجانب زوجها
الجد وجني وفهد.. صباح الخير 
الجدسليم .. ان شاءء الله تجهزي نفسك الساعة 5 انا حجزتلك عند دكتور كبير وشاطر 
روجيدة ..حاضر ان شاء الله هتيجي معايا ي فهد
فهد ...لا انا مش فاضي ممكن تاخدي مامتك معاكي هنراجع ورق مشروع جديد
روجيدة بتذمر .طيب
وبعد تناول الفطور يلقي عليهم فهد السلام يذهب لعمله
وتصعد كلا من جني وروجيدة لغرفتها
.......... .................. .................... ..............
تصل ملك الي مقر شركة شريك والدها 
ملك ..السلام عليكم ممكن ااقابل مجدي بيه 
موظف الاستقبال ..والله ي فندم مجدي
بيع صفي الشركه هنا وسافر
ملك ايه بتقول ايه سافر سافر فين 
الموظف ..والله ي هانم مااعرف كل ال اعرفه انه سافر وان صاحب الشركة الجديد اسمه حاتم بيه 
تحبي تقابليه
ملك ..اافابله ااقوله ايه طيب ممكن لو سمحت تخليني ااقابله يمكن يعرف مكانه 
الموظف ..ثواني ويتصل عل السكرتيرة لتستاذن لها بمقابلته
الموظف ..حاضر اتفضلي ي هانم حاتم بيه في انتظارك
تصعد ملك لمكتب صاحب الشركة الجديد
السكرتيه ..افندم 
ملك ..ممكن تبلغي حاتم بيه اني عوزة اكلمه قوليلو ملك عبد الله
السكرتيرة ..اوك ثواني ابلغه
بعد دقائق تاتي لها السكرتيرة 
السكرتيرة ..اتفضلي
بداخل المكتب يجلس رجل في ال 50 من عمره وياذن لها بالتقدم 
مجدي ...اتفضلي 
ملك شكرا ل حضرتك ممكن اسالك هو مجدي بيه صفي الشراكة بينكم صح وسافر 
حاتم ..ايوة الكلام دا من شهرين 
طيب حضرتك ماتعرفش مكانه 
حاتم والله ال اعرفه انه سافر المانيا ومش هيرجع تاني
ملك بدموع ..سافر طيب وانا اعمل ايه 
حاتم انا مش فاهم حاجة ممكن توضيح 
ملك پبكاء مجدي كان صاحب بابا الله يرحمه وخلاه يبيع حتته الارض ال حيلتنا عل دهب ماما عل مبلغ كان محوشه في البنك واداهم ل مجدي بيه عشان يشاركه في مشروع وكان ماشي كويس لحد ما بابا اټوفي 
دلوقتي بابا بقالوا سنه مټوفي وكل ما اجيله يقولي مفيش فلوس المشروع بيخسر
واخر مرة جيتله هنا قالي تعالي بعد شهرين اكون كونتلك مبلغ كويس
واديني جيت لقيته سافر
حاتم ..والله ي بنتي انا مش عارف ااقولك اي انا استلمت الشركه من شهرين ومعرفش اكتر من ال قولتهولك
قام من مكانه وتوجه اليها واخرج من جيبه بعض من المال وقال لها
ممكن تقبلي مني المبلغ دا ولو احتجتي حاجة انا زي والدك
ملك وهي تنظر اليه بعيونها كلها دموع
حضرتك انا مش شحاته انا اتنصب عليا
حاتم..ومين قال انك شحاته خدي المبلغ دا واول ما يتوفر معاكي فلوس روديه
تنهض ملك وتتجه الي الباب وهي تجفف دموعها 
شكرا لحضرتك وخرجت فورا من المكتب 
لينظر حاتم في اثارها وينظر لرزمة المال ويقول 
بنت عفيفه النفس....
تهبط ملك وتخروج من الشركه وهي تبكي وتقول في نفسها الله يرحمك يا بابا لو كنت عايش ماكنش حصل كدا
.........
الفصل الثاني
في عيادة الدكتور ..
الدكتور ..بصي ي مدام روجيدة مبدائيآ كدا حضرتك معندكيش اي موانع للحمل وللاطمئنان هنعمل شوية تحليل وبأذن الله كله خير
مامة روجيدة.. طيب خير ي دكتور هنعمل التحاليل وهنجيبجالك شكرا لحضرتك 
ويهموا بالخروج من العيادة
مامة روجيدة سيدة في بدايه عقدها الخامس سيدة من سيدات المجتمع الراقي
..............................................
في فيلا الجد سليم المهدي 
في غرفة جني..
جني تجلس مع صحباتها المقربين 
الاء وهايدي في نفس سنهها ويدرسون في نفس كليتها 
الاء ل جني ..انتي ي بنتي انتي افردي بوظك داا
جني ...سيبيني ف حالي مش دا كان رايك
الاء ...انا قولتلك ي غبية ماتبينيش انك مدلوقة مش تتجهاهليه بالغباء دا انتي كدا هطفشيه انتي مش بتشوفي البنات بتبصلوا ازي
جني ...ماتفكرنيش كل ما افتكر ازاي كان بيتكلم مع البت المسهوكة في النادي عفاريت الدنيا بتتنطط ف وشي
هايدي ..سيبك منها البت دي هتغرقك انتي اتعاملي معاه بطبيعتك وماتعنديش فيه كل ما تشوفيه عمر مش بيحب العند اسمعي كلامي
الاء..اسكتي ي هابلة انتي و هي دا كل ما تتقل حبه تزيد محبة انتي ما بتشوفيش في الرويات البطلة بتفضل تعاند في البطل وهو بېموت فيها
هايدي ..والنبي ماموديكي في داهيه غير الرويات ال بتقريها دي
جني ...باااااااااس انتي وهي فكروا معايا اخليه ازاي يشوفني زي البنات ال بيعرفهم مش كل ما يتكلم معايا يحسسني اني لسة عيلة صغيرة 
الاء ...عندي فكرة احنا نوهمه ان في واحد بيحبك وبتكلميه في الفون فهو يغير عليكي ويعترف بحبه 
جني ...اها ي صلاة النبي دا كان هو وفهد قتلوني
هايدي ...اسكتي ي بت بافكارك المهببه دي
انا راي انها تلفت نظرة باهتمامها بيه انها تسمع كلامة مش العند والعبط دا 
جني ...مهو انا بعمل كدا وبردو زي مايكون مش شايفني 
الاء.. حيرتينا معاكي قومي انا جوعت اوي 
يلا بينا نروح نقعد شويه في النادي بدل جو الخنيق داااا وناكل لينا لقمه
جني وهايدي ..اوك يلا بينا 
..................................................
في غرفة المكتب
الجد سليم ....يعني كله تمام ي دكتور اومال التاخير من ايه
الدكتور... هي مساله وقت مش اكتر وانا كتبتلها علي شويه تحليل بس بردو لازم فهد باشا
يعمل تحليل هو كمان عشان ممكن يكون عنده مشاكل هي ال ماخرة الحمل
الجد سليم ....يعني هو كمان لازم يكشف
الدكتور .. ضروري طبعا عشان لو في مشكله لاقدر الله نبداء بالعلاج كل ما كان التدخل اسرع كل ما كانت النتيجة احسن
الجدسليم..باذن الله شكرا ليك ي دكتور هكلم حضرتك في ااقرب وقت
يقفل الجد الهاتف وهو في حيرة كيف سيقنع فهد بالذهاب لعمل الكشف والتحليل ..
الجد سليم..لازم يروح انا نفسي اطمن عليه قبل مااموت 
..........................................
في بيت ام سارة
ها ي بنتي رنيتي عليها 
سارة..ايوة ي ماما اتصلت عليها وبردو مغلق 
ام سارة بقلق...انا قلبي واكلني عليها ماكنش لازم تنزل لواحدها كنتي روحتي انتي ولا انا معاها
ياعالم ي بنتي ايه ال حصل
يرن جرس الباب فتجري سارة 
تفتح الباب بسرعة لتدخل ملك بارهاق 
ملك ..السلام عليكم 
ام سارة وسارة ..وعليكم السلام 
ام سارة كدا ي بنتي قلقتيني عليكي 
ملك.. معلش ي طنط سرقني الوقت وانا ماشية
سارة ..هاا احكيلنا عملتي ايه
ملك ..بصوت باكي اتنصب عليا اخد الفلوس وصفي الشركة وسافر
ام سارة وهي تلطم علي صدرها ..ي حبيبتي ي بنتي عوضك علي الله 
سارة .. منه لله الحرامي حبيبتي ماتزعليش نفسك الزعل مش هيرجعلك الفلوس 
ملك ...حسبي الله ونعم الوكيل مش عارفة هعمل ايه في الايام الجايه الكليه عل الابواب وعوزة ادفع المصاريف واجيب الكتب وكمان لبس للكليه
ام سارة.. قومي ي حبيبتي اغسلي وشك وكوليلك لقمه وان شاء الله كله هيتدبر
لا انا هقوم ادخل انام مش قادرة 
ام سارة ..كدا غلط ي حبيبتي هتقعي من طولك 
قومي ي سارة جهزي الاكل يلا 
سارة حاضر ي ماما 
تجلس ملك بحزن وهي تدعي ربها بحل مشكلتها
.............................................
في احدي الشركات التابعة ل عائله سالم المهدي 
في مكتب فهد ...
فهد ل شريف ..كدا كل الورق الخاص بالمشروع جاهز علي الامضا تمام 
شريف ..ايوة ي بوص كدا كله تمام 
فهد طيب في حاجة تاني عوزها مني 
شريف ..انت هتروح دلوقت 
فهد... ايوة ي سيدي لازم جدي يشوف الورق النهاردة عشان يقول رايه النهائي 
شريف ...طيب وراك حاجة بالليل 
فهد ...مش عارف لسة هبقي اكلمك لو مفيش حاجة هتصل بيك نسهر مع بعض
شريف ..تمام اها م الحق منيرة السكرتيرة عوزة