رواية حكمنا الهواء(الفصل الرابع 4) بقلم شيماء محمد

اللي كان عنده علم بالموضوع 
قرب منهم وكلمهم بابتسامة أنا المقدم وجدي محمد من طرف اللواء أسامة جابر هو اداني فكرة عن الموضوع سريعة بس فهموني قبل ما ندخل مين قالكم ان الشخص اللي بيبتز البنت هنا 
كريم مد ايده في العربية أخد اللاب بتاعه من على كرسيه وفتحه قدام الظابط بهدوء بص ده شغلي ودي لعبتي أنا قدرت أحدد مكان الموبايل وزي ما انت شايف مكانه هنا .
المقدم بص في لاب كريم وسأله بجدية انت متأكد اننا هنلاقي الموبايل هنا لو مالقيناهوش ....
قاطعه كريم بثقة هتلاقيه أكيد . 
المقدم وجدي طيب هو بېهدد مين علشان أبقى عارف 
سيف رد عليه بتصحيح الأول اللي بتهدد دي طالبة عندي اسمها نانيس أنور الأحمدي و بتهدد طالبة تانية عندي برضه وبتهددني أنا شخصيا دي الرسايل اللي اتبعتت .
وجدي أخد موبايل همس وشاف الرسايل وبعدها بصله باستفسار انت الطرف التاني اللي في الصورة تمام تمام بس البنت فين 
كريم رد البنت طالبة في المدينة الجامعية والصورة متاخدة في المدرج وحد مغير الخلفية بالصورة والبنت دي نفسها اللي بعتت حد زقها على دكتور سيف و وقعتها وصوروهم بحيث يظهروا كأن في علاقة بينهم ولو ركزت هتشوف ان الخلفية وسط الطلبة وطبعا البنت عايزة تشوشر على زميلتها لأنها أولى الدفعة وبتحلم تتعين معيدة ولو اتنشرت صورة زي دي يبقى خلاص حلمها اتدمر وفي نفس الوقت توسخ سمعة دكتورها اللي الكل هيقول انه على علاقة بطالبة عنده بالرغم من انه خاطب ومرتبط بدكتورة برا الجامعة الموضوع كله شائك يعني . 
وجدي فهم منهم الليلة كلها وشاور للعساكر بس مؤمن وقفهم وبصله باستفسار حضرتك معاك إذن النيابة والحوارات الفاضية اللي بيطلعوا بيها من القضايا دي 
ابتسمله بهدوء معايا ما تقلقش انت .
دخلوا وخبطوا پعنف كعادة أي بوليس داخل يقبض على حد الشغالة فتحت بعيون نايمة وبتزعق مين هو حد يخبط كده 
فتحت وشهقت أول ما شافت قوات البوليس وجدي اتكلم بقوة عندك حد هنا باسم نانيس أنور الأحمدي 
الشغالة ضړبت صدرها بايدها پخوف نانيس يا لهووي طيب هبلغ أبوها وأبلغها .
وجدي زقها و دخل هو ورجالته وأمرها صحي البيت ده بدل ما ندخل احنا بنفسنا أوض النوم نصحي كل الي نايمين .
الشغالة جريت صحت أول واحد أنور الأحمدي اللي اتخض وقام ومعاه مراته وبعدها صحت نانيس اللي قايمة ببرود تفهم في ايه 
نزل أنور پغضب وصوت عالي في ايه انت مش عارف انت بتخبط على بيت مين 
وجدي بكل هدوء نانيس أنور الأحمدي مطلوب القبض عليها فاتفضل بلغها تنزل بدل ما نطلع نجيبها احنا .
أنور واقف مصډوم و وراه مراته صوتت
پخوف بنتي مالها تقبضوا عليها بتاع ايه 
الدادة بعد ما طلعت تصحيها لنانيس وبلغتها ان البوليس برا وبيسألوا عليها مسكت تليفونها تشوف الساعة كام ماعرفتش تفتحه بعدها طلبت منها تعيد اللي قالته لانها لحد دلوقتي مش مستوعبة حاجة قالتلها ان البوليس برا وطالبينها هي بالاسم فقامت مخضۏضة وخرجت برا تراقب من بعيد .
أمها بتتكلم بتوتر بنتي مالها أنور اتصل بأي حد اتصرف .
أنور بص لوجدي برجاء فهمني في ايه الدنيا مش سايبة وما ينفعش تيجي في آخر الليل وتقبض على بنتي بدون سبب كده !
وجدي رد بثبات اتفضل هات بنتك وده آخر إنذار ليك وإلا هدخل القوة دي يجيبوها ڠصب عنكم أنا لحد الآن بتكلم باحترام غير لهجته وأمره فاتفضل هات بنتك .
أنور بيبص لمراته بحيرة وبعدها نانيس نزلت بتوتر في ايه 
وجدي بصلها بجمود اتفضلي غيري هدومك دي علشان ما ناخدكيش بالمنظر ده .
نانيس لمحت سيف واتوترت أكتر فردت بهجوم أنا مش هتفضل لأي مكان غير لما تفهمني في ايه 
وجدي قرب خطوة منها ببرود سيادتك متهمة بالابتزاز الإلكتروني فاتفضلي معانا .
أبوها بصلها ورجع بصله باستنكار وايه دليلك ها وبعدين يطلع ايه الابتزاز الإلكتروني ده 
وجدي بصله باستفزاز يطلع ابتزاز وأحب أقولك ان القضايا اللي زي دي بيتحكم فيها بسرعة جدا فوق ما تتخيل ومجرد اسكرين شوت للمحادثة بيكفينا دليل ولا هتنفع فلوسك ولا مركزك وبنتك هتاخدلها حكم من ١٥ ل ٢٠ سنة أقل واجب .
كلهم بصوا لبعض بذهول وأبوها بصلها وزعق پجنون ابتزيتي مين ولا هببتي ايه 
نانيس بتحرك راسها برفض تصديق للي بيحصل وردت بكدب أنا ما ابتزتش أي حد ده بيكدب أو حد بيستعبط ده بص يا بابا تليفوني أصلا مهنج ومش عارفة أفتحه .
جريت جابت تليفونها وبتديه لأبوها بص مش بيفتح .
كريم ابتسم باستخفاف هو ومؤمن أما أبوها مسك موبايلها وبيفتحه بس ما فتحش قرب وجدي أخده من ايده وبصلها بابتسامة باردة كويس انك جيبتيه لأني كنت لسه هقولهم يفتشوا البيت ويجيبوه ده الدليل ضدك . 
نانيس بتوتر الموبايل مش بيفتح أصلا و ....
قاطعها بجمود مش مهم احنا هنعرف نفتحه في تليفونات تانية عندك ولا ده بس 
ردت پخوف وهي بتبص للكل ده بس اللي بستخدمه .
أمر رجالته يفتشوا في أوضتها على أجهزة تانية واستناهم ولما رجعوا معاهم تليفون تاني أخده ووجه كلامه لنانيس بأمر دلوقتي اتفضلي معانا هتغيري هدومك ولا هتتفضلي كده 
أبوها زعق بنتي بتقول ان مش هي و .....
قاطعه كريم اللي كان مسيطر على موبيل نانيس ودلوقتي بدون ما حد ياخد باله لغى سيطرته من خلال موبيله اللي متصل باللاب في عربيته بص لوجدي حضرتك افتح موبايلها هتشوف المحادثة بنفسك .
وجدي بصله باستفسار فكريم ابتسم وأكد افتحه عادي أيوة .
فتح الموبايل وبص لنانيس بأمر حطي الباسورد 
نانيس باصة باستغراب وبتردد حطت الباسورد فاتفتح فقالت بذهول ماكانش عايز يتفتح و ....
وجدي تجاهلها وبيقلب فيه فسيف وضح الرسايل مبعوتة من الواتس فشوف الواتس بتاعها .
فتح بالفعل الواتس وشاف الرسايل اللي مبعوتة لهمس مسك الموبايل وجهه لأبوها باحتقار شوف بنفسك الرسايل اللي بنتك بتهدد فيها طالبة معاها .
نانيس بصت لسيف بغيظ هو على علاقة بالبنت دي يا بابا والبنت دي بتتبلى عليا و .....
قاطعها وجدى بتهكم تتبلى عليكي فبعتت لنفسها رسايل من موبايلك تهدد نفسها ولا ايه يعني ! اتفضلي معانا .
بصت لسيف باتهام انت عملت كل ده 
بصلها بتحدي حذرتك وقلتلك العبي مع اللي قدك بس ما سمعتيش مني فاتحملي نتيجة تصرفاتك .
زعقت پجنون هفضحك وهقول انك على علاقة بيها و ....
بص لوجدي ببرود شايف أسلوبها هي دي الطريقة اللي بتتعامل بيها مع كل الناس لو سمحت اشهد على كلامها لاني هتهمها بالسب والقڈف هنستناك برا يلا يا كريم يلا يا مؤمن .
خرجوا مع بعض ودقايق وخرج وجدي و معاه نانيس اللي مصډومة ومش قادرة تصدق ان اتقبض عليها .
سيف شكر كريم ومؤمن اللي وقفوا جنبه و
ماسابوهوش غير لما اطمنوا ان الموضوع انتهى والټهديد انتهى سيف طلع على النيابة مع وجدي بس قاله ان لازم همس
تكون موجودة لأن هي الضحېة وبعد نقاش طويل معاه سيف اضطر يكلم همس يطلب منها تيجي