رواية عشق بين نيران الزهار (كاملة حتى الفصل الأخير) بقلم سعاد محمد سلامة

تلگ الفتاه التي تخرج من النيران لما تحمل معها دلو ما محتوى هذا الدلو هل مياه إم ماده تزيد إشتعال النيران.
بينما بأستطبل الخيل.
كان هناك شاب يافع فارع الجسد يقف خلف مضمار ترويض الخيول يتابع جرى تلك الفرسه العنيده بالمضمار يفكر في تلك الرقيقه التي سلبت قلبه منذ أن عاد مره أخرى الى القريه يتمنى أن
ينولها لكن هى كتلك الفرسه التي تجرى بالمضمار آبيه وعنيده حاول معها لكن هي صدته حتى أنه يتحمل من أجلها والداها عاله عليه ذالك السائس الذي لا يعمل تقريبا فمن أجل أن ينال عطر الزهره عليه أن يتحمل أشواكها التي تدمى قلبه المسلوب بحب الجميله.
عاد من سرحانه بتلك الفرسه حين شعر بيد أخيه على كتفه لف له قائلا كنت عارف إنك مش هتقدر تنام يا رفعت بسبب تفكيرك في الصفقه اللى هتم النهارده.
تبسم رفعت يقول وإنت أيه اللى مسهرك هنا يا رامى جنب إستطبل الخيل وكمان واقف قدام المضمار وسايب الفرسه مفكوكه وبدون سرج.
تبسم رامى قائلا نفس اللى مقدرتش تنام بسببه بفكر في الصفقه دى لو قدرنا نبيع الفرسه دى بالسعر اللى يناسبها يبقى ضمنا ربح كبير من سلالة الخيل دى.
تبسم رفعت بثقه واثق إن الفرسه دى هتجيب سعر أغلى وأعلى من كل الفرسات اللى سبق وأتباعت قبلها.
تبسم رامى قائلا وانا كمان واثق كان مين يصدق رجوع ولاد رضوان الزهار مره تانيه لسوق الخيل والسبب كان فرسه هي اللى نجيت من الحريق.
فى اليوم التالى.
صباحا
أمام كلية الطب البيطرى بالشرقيه.
.
كانت تسير ليلى مع زميلاتها بالدفعه غير منتبه للطريق حتى لم تشعر بتلك السياره الأتيه المسرعه والتي كادت أن تدهسها لولا أن جذبتها إحدى صديقاتها وقفت ليلى غير مستوعبه ما حدث من ثوانى كادت أن تدهسها تلك السياره الفارهه حتى ان سائق السياره لم ينزل من السياره أو حتى يعتذر.
نظرت لها زميلتها قائله ليلى مالك واقفه مذهوله كده ليه الحمدلله أنتى بخير شكله واد صايع وهرب بالعربيه.
ردت ليلى مين اللى هرب ده رقم العربيه إتسجل هنا خلينا نروح نحضر المحاضره وبعدها ربنا يحلها.
دخلت ليلى الى قاعة المحاضرات وجلست هي وصديقتها يتهامسن الى أن سمعن صوت إغلاق باب قاعة المحاضرات وسمعن صوت
إنتبهن.
وسمعن أنا الدكتور وسيم الشامى دكتور جديد هنا في الكليه مش جديد قوى انا متخرج من الجامعه دى أصلا بس كنت في بعثه لجامعة كمبريدج وخلاص حصلت عالدكتوراه ورجعت تانى للمكان اللى كان فيه بدايتى هكمل معاكم بقية السنه بتمنى نكون أصدقاء واللى مش فاهم او عنده مشكله في نقطة مش فاهمه يقدر يسألنى عليها وأنا هعيد شرحها من تانى في سكشن العملى.
تبسمت ليلى بتوهان قائله بهمس يا حلاوتك يا جمالك ده دكتور في كلية طب بيطرى يا بخت الغزلان بيك.
نغرتها زميلتها قائله بتقولى أيه يا هبله ركزى للدكتور ياخد باله من هبلك ده.
تبسمت ليلى قائله طب ياريته ياخد باله منى بقولك

أيه متعرفيش الدكتور ده مرتبط أو لأ.
ردت زميلتها أول مره أشوفه وأعقلى كده شويه هو صحيح دكتور طلقه بس إمسكى نفسك شويه مش قدام زمايلك يقولوا أيه.
ردت ليلى يقولوا اللى يقولوه وحتى لو مرتبط مش مشكله أتجوزه على ضره.
ردت زميلتها عقلك خلاص ضړب ركزى في المحاضره.
صمتت ليلى لكن لم تكن تركز في المحاضره لا تعرف سبب لتلك التوهه التي تشعر بها بعقلها للمره الاولى.
إنتهت المحاضره.
حاصر التلاميد وسيم ووقفوا يتحدثوا معه حتى ليلى هي الاخرى كانت من ضمنهم