رواية عوض الصابرين (كاملة حتى الفصل الأخير) بقلم رغده

الي امنتك عليها وقلتلي هتصونها 
علي اعمل ايه بس دي الجيران كل يوم بيسمعوا صوتنا لحد ما الناس كلت وشي فسكت وقلت ما دام انت راضي يبقى خلاص 
مصطفى راضي هو انا هرضى ان بنت المركوب تعمل بامي كده طب يمين تلاته لتكون شيرين متجوزه منصور وهي ورقتها هتوصلها بكره 
علي لالا
يا حبيبي
ورقة ايه استهدي بالله كده مهو احنا مش عاوزين سيرة البنت تنجاب بالعاطل ويقولوا امها مطلقه احنا نجوزها ولما انت ترجع تربي مراتك من تاني وبعد كده تطلقها براحتك الا هو انت اجازتك امتى 
مصطفي بحزن مفيش اجازات انت عارف ان كل اجازاتي خلصت لما اتجوزت 

علي والله احسن حاجة عملتها ان انت شفت نفسك ولقيت الي تسعدك بدل وش الفقر الي عندنا دي
مصطفي الغربه صعبه يا علي يا اخويا والوحدة اصعب وانا الي كنت زعلان عشان اتجوزت وحاسس بالذنب عشان وفاء طلعت متستاهلش 
علي متزعلش نفسك يا حبيبي ده انا والله ما كنت عاوز ادايقك لكن الظروف حكمت 
مصطفى اعمل الي تشوفه صح وانا هبعتلك توكيل عشان تكون وكيلها بكتب الكتاب 
علي بلجلجة بس انا محتاج فلوس يعني عشان الجهاز والذي منه 
مصطفى متشيلش هم بكره هحولك مبلغ كبير تجيبلها كل حاجة انا مش عاوز الناس تقول اني قصرت بجهاز بنتي 
علي بفرحة عفارم عليك يا اخويا عداك العيب
خلصت المكالمه وقامت نجلاء حضنت علي وباسته احلى ابو صلاح بالدنيا 
خدها علي بحضنه تعرفي يا بت اما تقوليلي ابو صلاح قلبي بينشرح كده وبحس الدنيا مش سايعاني من الفرحة 
نجلاء ده انا اقولك ابو صلاح على طول عشان تفضل فرحان ومبسوط
وبيوم لقينا عمي داخل علينا وبيقول يما النهاردة منصور جاي عشان نقرا الفاتحة ابقي خليهم يحضروا عشا وشوية حلو من الي بتعمله البت شيرين عشان يعرف ان بنتنا ايديها يتلفوا بحرير 
وفاء بشك واحنا يهمنا بايه رايه 
فكريه بغل مش هيبقى جوزها 
ماما ضړبت على صدرها وبقت تلطم وتقول على چثتي الجوازة دي تتم وانا هكلم مصطفى يشوف صرفه معاكم 
علي ولا تتعبي نفسك انا هكلمهولك 
ومسك الموبايل وفتح الاسبيكر 
مصطفى ايوه يا علي جهزت كل حاجة 
علي والله يا اخويا مراتك معترضه عالحوازة
مصطفى وهي مين عشان تعترض 
وفاء بدموع مصطفى انت بتقول ايه دي بنتك 
مصطفى وعشان بنتي انا ادرى بمصلحتها وكلمتي هي الي هتمشي شيرين هتتجوز منصور ولو معجبكيش الباب يخرج جمل غوري 
ضحك علي وقفل الموبايل ووقف قدامي وانا حاسه قلبي بقا مليون قطعه من الي سمعته وقالي تجهزي يا عروسه والا قسما بالله اكون مطين عيشتك انتي وامك واخواتك 
هزيت دماغي پخوف وكل تفكيري اني امنع اي اذى لامي واخواتي
وباليوم ده ماما فضلت باوضتها ټعيط ومرات عمي علي غير العادة عملت الاكل كله وطبعا انا كنت معاها 
وهي كل شويه تتكلم عن منصور وفلوسه وازاي معيش مراته
منصور متجوز وكبير عني اوي عمري ما تخيلت ان ده يكون مصيري واتبخرت احلامي واي طموح كنت بسعاله
جه منصور وامه وقعدوا مع عمي ومرات عمي وجدتي فكريه 
عدت ساعه واتنين واتعشوا واتحلوا كمان وانا عامله زي عروسة المولد لابسه الفستان الي جابهولي عمي ومستنيه اوامره 
علي قومي يا نجلاء اندهي شيرين عشان العريس يشوفها 
نجلاء من عنيا يا ابو صلاح
قربت مني نجلاء وعلى وشها ابتسامه سمجه كان نفسي اديها بوكس اغير ملامحها لكن هقول ايه ربنا ع المفتري