رواية مراوغة عشق (كاملة جميع الفصول) بقلم ملك ابراهيم
30 سنه فعلا
حرك الصحفي رأسه بالايجاب قائلا.
والله حلو ان الشباب عندكم يقدروا يوصلوا للمناصب دي
ثم اضاف بحماس.
وشكلك شاطر اوي عشان تبقى وزير مرة واحده وانت لسه في السن ده
استمع الشاب إليه وهو يضع يده فوق جرحه ويشعر بالالم يزداد عليه.
نظر الصحفي إلى بطاقة الهاوية مرة اخرى وهو يقرأ اسم الشاب ثم اضاف بدهشة.
ثم نطق الاسم بأعجاب.
يونس.. أسمك حلو أوي على فكرة
ابتسم الشاب قائلا.
جدتي الا اختارت أسم يونس لان عائلتي من اصل عربي
ابتسم الصحفي بهدوء ومد يده له قائلا.
اتشرفت بمعرفتك يا أستاذ يونس وانا أسمي أسلام
قام يونس بمصافحة اسلام ثم بدأ يبحث عن هاتفه حولهم وهو يتحدث مع اسلام.
تحدث اسلام ببساطه.
هتلاقيه وقع منك وسط الزحمه
حرك يونس رأسه بالايجاب ثم نظر حوله بدهشة عندما دخلت بهم سيارة الاجرة الى مكان غريب اول مرة يرى مثل هذه الاماكن ثم تحدث بدهشة.
احنا فين
تحدث اسلام بفخر.
احنا هنا في منطقتي
نظر اليه يونس بدهشة ليضيف اسلام بتأكيد.
نظر اليه يونس بدهشة قائلا.
من الافضل اروح مستشفى اتعالج هناك
تحدث اسلام بثقه وفخر.
مستشفى مين يا عم والدكتورة فرح موجوده في المنطقة دي واخده معهد تمريض سنتين واحسن دكتورة في مستشفى القصر العيني
دكتورة ومتخرجة من معهد تمريض سنتين يعني ايه !
توقفت سيارة الاجرة بهم عندما اخبر اسلام السائق ان يتوقف بهم هنا ثم تحدث بثقة.
احنا عندنا هنا اي حد بيشتغل في مستشفى يبقى دكتور
شعر يونس بالقلق وتحدث بهدوء.
من الافضل اروح مستشفى قريبة من هنا
خرج اسلام بعض المال واعطاه الى السائق وهو يتحدث بتأكيد.
ثم تأمله للحظات قائلا.
بقولك ايه انت مش هينفع تتكلم مع حد هنا خالص لان بصراحة شكلك اجنبي ولو اتكلمت بطريقتك دي مع اي حد هنا هيعرفوا انك مش مصري والمنطقة هنا كلها مخبرين ولو حد عرف ان انت وزير الدنيا هتتقلب علينا وانا ممكن اروح في داهيه ومش بعيد يلبسوني قضية ويقولوا ان انا تبع الإرهابيين الا فجروا المؤتمر
وطبعا اهل المنطقة هنا اول ما يشوفوك هينزلوا فيك اسئلة واسمك وعنوانك وانت منين ورايح فين
ثم نظر الى يونس مرة اخرى بعد تفكير قائلا.
بقولك ايه انت تعمل نفسك اخرس ومبتسمعش
نظر اليه يونس بدهشة ليضيف اسلام بتأكيد.
اسمع بس مني الناس هنا اول ما يشوفوك هينزلوا فيك اسئلة عشان يعرفوا تاريخ
