روايه "نادره وحسن"(كاملة جميع الفصول)لكاتبتها نونا

منقصوش يوم
و انا اللي خلفت و رضعت و كبرت و...
بصت لحسن و كملت كلامها بدون تفكير 
أنت بتعمل فيا كدا ليه يا حسن ليه كلهم يبقوا شبهك..... حتى بحر بقيت شبهك في أفعالها
حسن بص الممرضة بحرج و هي ابتسمت و خرجت 
اعمل ايه دلوقتي..... تقريبا لسه مټخدره انتي معندكيش فرامل للسانك
الممرضة التانية دخلت و هي شايله البنت نادرة اول ما شافتها ابتسمت و حاولت تتعدل لكن اتوجعت.... حسن ساعدها و هي اخدت البنوته منها بسرعة
بحنان و هي حاسه بدفي ابتسمت بسعادة و هي بتمسك ايد بنوتتها الصغيرة جدا دموعها لمعت في عنيها بسعادة
نادرة دي صغيرة اوي يا حسن و جميلة اوي أنت عارف انا بقالي اد ايه نفسي يبقى عندي بنوته من ما نتجوز و انا نفسي يكون عندي بنت صغنونه اوي كدا.....
حسن ربنا يحفظها و يحفظهم كلهم يا نادرة المهم دلوقتي هاتي بقا ننيمها هنا و تمشي شوية
نادرةسيبها في شوية و الله والله هقوم بعدها
ياسين و بحر دخلوا الاوضة و هم فرحانين 
ياسين ماماااا انا عايز اشوفها
بحر بسعادة و أنا كمان
حسن ابتسم و طلع ياسين على و بحر طلعت من الناحية التانية و الاتنين بصوا حورية اللي بتفتح عنيها ببطي و كأنه بتبصلهم
بحر بابتسامة دي حلوه اوي يا ياسين ....
ياسيندي شبه ماما جميلة اوي بس مش هتبقى جميلة زيك يا بحر
بحر ابتسمت لا دي جميلة اوي بسم الله ماشاء الله..... هنسميها ايه
نادرة حور.... حورية
ياسين بضحكيبقى حورية و بحر...
حورية البحر علشان يكملوا بعض
حسن ابتسم و اخد البنت حطها في و ساعد نادرة تقوم و تتحرك معه رغم أنها كانت بټعيط من الۏجع لكن كانت بتمشي ببطي و هي ماسكه فيه بقوة.... العيلة كلها دخلت واحد وراء التاني
بعد مدة
رجعوا البيت كلهم و معاهم جليلة و دعاء اللي فضلوا مع نادرة طول الوقت
نادرة نامت و هي حاضنه حورية
بعد اسبوع و نص تقريبا 
كانوا بيحتفلوا بسبوع حورية في وسط فرح و سعادة 
كل
العيلة جيت و أطفال العيله و اصحابهم 
و اسلام هو و ندى اللي حسن خطبها له من شهر تقريبا
اسلام كان واقف جانبها و هو فرحان و بيغنوا كلهم.. ندى متنكرش انها اتفاجت لما طلب ايدها لكن كانت حاسه انه انسان كويس و قررت توافق بعد موافقة والدها و رغم ان حسن طرد بنت خالها منار المعرض لما بدأت تعمل تصرفات تضايقه 
الا ان ندي اتمسكت بشغلها و حسن اشاد بيها انها شاطرة 
اخت ندى الصغيرة كانت واقفه جنب اسلام مش مدياله الفرصة يتكلم معها لكن كان عارف انه دخل بيت ناس يعرفوا الأصول و بنت محترمة هتحافظ عليه
مينا الف مبروك يا حسن يتربوا في عزكم
حسنالله يبارك فيك يا حبيبي ....
سمارة كانت واقفه جنب سليمان و كل ما تحاول تهز وسطها مع الاغاني يبصله بنظرة تخليها تقف زي الف 
و حقيقي وصلت لمرحلة اللي بقيت تحس فيها بالرضا عن حياتها و بتحمد ربنا على حب سليمان ليها و رغم الماضي لكن عمره ما جرحها بكلمه و لا فتح موضوع فريد و علاقتها القديمة بالكبارية....
تبارك و جوزها كانوا فرحانين لحسن و نادرة 
مرجانة بصت لمالك إبنها الكبير و هو بيتكلم مع بحر و بيخانقوا راحت ناحيتهم باستغراب
مرجانةفي ايه يا ولاد بتتخانقوا ليه
مالك بحدةيا ماما انتي مش شايفه الجيبه بتاعتها ضيقه ازاي... بقولها تدخل تغيرها مش راضيه
بحر بعناد شبه نادرة
مش ضيقه و بعدين أنت مالك 
بابا نفسه مقاليش حاجة أنت بقا بتزعق لي بصفتك ايه
مالك بضيقمتعصبنيش يا بحر و ادخلي غيريها
بحر لا مش مغيره حاجة بعد اذنك يا خالتو
مالك والله لاقول لعمي و اخليه يزعقلك
مرجانه استنى استنى تقوله ايه و بعدين مالها الجيبه دي ضيقه! مالك يا حبيبي بطل تتكلم معها كدا دي نسخة من خالتك نادرة يعني مش هتوصل معها لحاجة
مالكماشي يا ماما صبركم عليا لما اكبر و انتي يا ست بحر اما نشوف اخرتها معاكي
مرجانة هزت راسها بيأس و هي بتبص له
بعد يومين 
نادرة كانت واقفه في المقاپر أدام قبر والدتها سنية.... قعدت على الأرض و حطت ايدها على قپرها 
كان نفسي تبقى معايا يا ماما كان نفسي اكبر معاكي اوي ارتاحي يا حبيبتي و طمني عليا انا كويسة و بحبك اوي مهما قالوا الناس عنك هتفضلي في قلبي.. انا جيت النهاردة
من وراءهم كالعادة سيبت الولاد مع حماتي هي عندي في البيت و جيت علشان اتكلم معاكي 
أنا عندي بنتين دلوقتي بحر و حورية الاتنين زي القمر و ياسين واخد كل حاجة من حسن 
أنا بقيت كويسة يا ماما..... ارتاحي يا حبيبتي
قامت قراءت الفاتحة و بعض السور و بعد خرجت من المقاپر رجعت البيت
في نفس اليوم بليل 
نادرة خرجت من الاوضة و هي شايله حورية كانوا كلهم قاعدين أدام التلفزيون و حسن بيخلص شغل على اللاب توب 
نادرة قعدت جاانبهم
و اخدت الريموت تقلب
بحريا ماما عايزين نسمع الفيلم زمانه هيبتدي
ياسين بحماس ايوة يا ماما زمانه ابتدا... عايزين فشار و شيبسي
نادرة بحنانوطي صوتك يا حبيبي براحة أختك پتخاف من الصوت العالي 
حاضر هعملكم اللي عايزنه شغلوا الفيلم و انا هاجي على طول بس خلوا بالكم من حور
سرحانه في ايه
نادرة بابتسامةو لا حاجة
حسن طب خدي الشيبسي و العصير و انا هعمل الفشار و اجي وراكي ياله
نادرة ماشي بقولك انا عاملة كنافه بالقشطه في التلاجة هاتها معاك
حسندا شكلنا هنسهر للصبح... حاضر يا ستي
خرجت و هو جيه وراها بعد شوية قعدوا كلهم على الانترية و هم بيتفرجوا على التلفزيون و بياكلوا فشار كلهم جنب بعض في بعض بيضحكوا و بيتفرجوا بحماس عيلة حقيقه
حسن مال على نادرة بهمسبحبك يا نادرة قلبي
نادرة بابتسامة و أنا بدوب فيك
حسن ابتسم و حط ايده على كتفها و هو بيشد الغطا عليهم و هو مش شاغل دماغه بحاجة 
و هو بيحمد ربنا انه في النهاية بقا عنده عيلته الصغيرة اللي بيحبه و يحبوه و انه داب معها و في حبها في الحلال 
ياسين ضحك و حط ايده على بوقه و هو بيبص لبحر 
احنا مشوفناش حاجة
بحر بمرح و سعادةخالص خالص يا بابا
نادرةعجبك كدا يا سي حسن
حسن بسعادةطبعا عجبني....
ياسين غمر لحسن و بحر ضحكت بحب
وسندا صالحا يا الله إن اعوجت الخطوات أقامها.
الحب وعد والوعد دين والدين لا يوفيه إلا الرجال .