رواية ضحېة عشق (كاملة جميع الفصول) بقلم مريم احمد

ان دا بيتنا 
في نفس اليوم الي حصل فيه الحاډثه قولت لغدير ترمي ف وش نغم ماية ن ار عشان اشو هلها وشها يا ضحى و نغم متستاهلش كدا يا ضحي دي عمرها م أذت حد
كانت ضحى بتسمع كل دا و هي مصدومه من الي سجده قالته ازاي سجده تعمل كل دا ف صاحبة عمرها
عيطت سجده اكتر و هي بتفتكر كل الحقد الي كانت بتحقده لنغم و قالتلها
سجده....في مره كنا بنتغدى و انا وقعت على ايديها صنية الشربه كلها و هي مرضيتش تقول لماما ان انا السبب بالرغم من ان ماما اصلا عارفه بس هي برضو مقلتلهاش يا ضحى
كملت بعياط اكبر
سجده...يا ريتني م سمعت كلام ماما يا ضحى نغم متستاهلش كل الأذيه دي ...و ابيه يونس ياماا حظرني من اني اسمع كلام ماما و اني ابقى ديما مع الحق و مظلمهاش بس انا مكنتش بسمع كلامه

اتنهدت ضحى بحزن على نغم و قالت لسجده
ضحى...طب مش انتي قولتي انك معاكي الورق الي يثبت ان البيت دا بيتها
مسحت سجده دموعها و قالتلها
سجده...ايوا
ضحى...طب و مستنيه ايه اديلها الورق يا سجده و رجعيلها بيتها الي هو حقها
هزت سجده راسها و قالت
سجده...هعمل كدا
سجده....تعرفي ان انهارده عيد ميلادها
ضحى...طيب قومي نجيبلها هديه
ابتسمت سجده بحزن و قالتلها
سجده....قبل م كل المشاكل دي تحصل كنت مجهزلها هديتها عشان اديهالها انهارده كنت مجهزالها هدية عيد ميلادها من شهور يا ضحى عشان افرحها
ابتسمت و قالتلها
سجده....كنت جايبالها اللاب توب الي كانت عايزاه عشان اللاب توب بتاعها باظ و ماما مرضيتش تجيبلها غيره بحجة ان وقتها الفلوس تكفي مصاريف كليتنا و بالرغم من ان نغم عارفه ان الفلوس كانت تكفي و زياده كمان الا انها متكلمتش ولا زعلت من ماما 
ابتسمت ضحى و قالتلها
ضحى...طيب يلا يا سجده كلميها و اديلها الهديه و اعتذريلها و من كلامك واضح ان هي كويسه و هتسامحك
هزت سجده راسها و مسكت تليفونها رنت على نغم ووووو 
تفتكروا ردة فعل نغم لما تشوف اسم سجده ع الفون هتعمل ايه 
ضحېة عشق
بقلمي مريم احمد
سبحان الله و الحمدلله و لا اله الا الله و الله اكبر
27
كانت نغم خرجت من المستشفى و كانت في الطريق للبيت
كانت قاعده في العربيه و جمبها شيري و هيام الي كانوا بيحاولوا يهدوها من عياطها لأن نغم كانت بټعيط جامد عشان هتسيب امها تاني
خالد...خلاص بقى يا نغم م انتي كدا كدا بكره هتشوفيها و هي هتكلمك في التليفون
نغم..بس انا كنت عايزاها تيجي معايا القصر يا خالو
خالد...م هي هتيجي بس مش دلوقتي و بعدين يا نغم مش عايز خالتك صباح تحس بأي حاجه ولا ان امك عايشه يا نغم عشان متأذيهاش تاني
اتكلمت نغم پغضب
نغم...انا اصلا مش طيقاها ازاي تحاول تق تل اختها يعني
مراد....لأ مينفعش تتعاملي معاها بشكل وحش لأنها هتحس و هتعرف انها السبب و مش بعيد تشك ان طنط احلام عايشه و تق تلها تاني 
نغم...طيب
و تليفونها رن 
شيرين....نغم تليفونك
ادتلها نغم شنطتها و قالتلها 
نغم...شوفي مين يا شيري انا مش قادره اكلم حد
خدت شيرين شنطة نغم و خدت منها التليفون
شيرين....دي سجده
هيام...عايزه ايه دي كمان
هزت شيرين راسها يمين و شمال 
شيرين....مش عارفه
نغم...خلاص يا جماعه مش مهم
..استغفر الله العظيم و اتوب اليه
ضحى....ايه مردتش
هزت سجده راسها يمين و شمال برفض
ضحى...مش مشكله رني تاني
سجده...لأ يا ستي بدل م تتخنق 
ضحى...رني عليها مره كمان لو مردتش يبقى كلميها لما ترجع
هزت سجده راسها و كانت اسه هترن تاني على نغم بس قاطعها صوت صباح و هي بتقول
صباح...ايه يا بنات مالكوا قاعدين هنا و سايبني 
ابتسمتلها ضحى و هي مضايقه منها جدا بسبب كمية الحقد الي ف قلبها و قالت
ضحى...ازيك يا طنط
صباح...ازيك يا حبيبتي عامله ايه
هزت ضحى راسها
ضحى...الحمدلله
بصت لسجده و قالت
ضحى...انا همشي انا بقى
صباح...ليه يا حبيبتي خليكي
ضحى...معلش يا طنط عشان ماما انتي عارفه بيتي بعيد شويه عن هنا
هزت صباح رلسها بتفهم
صباح...ماشي يا حبيبتي ابقي طمنينا عليكي لما تروحي
ضحى...حاضر
و قاموا و ضحى مشيت
صباح...هي جت لي
قفلت سجده حواجبها باستغراب و قالتلها
سجده...عادي يعني
صباح...انتي قولتيلها حاجه
سجده...مش فاهمه
صباح...انتي فاهمه يا سجده و متسطعبتيش عليا
سكتت سجده و هي مضايقه اوي من كل الحقد الي ف قلب صباح لنغم
عاددت صباح سؤالها تاني بتوضيح اكتر و هي بتقول
صباح...انتي قولتي لضحى على نغم
سجده...بتسأليني ليه 
صباح...مترديش عليا السؤال بسؤال يا بنت صباح
ضحكت سجده و قالت
سجده...مش دي كلمتك الي ديما بتقوليها لنغم
كملت و هي بتقلد امها
سجده...اتكلمي عدل يا بنت احلام
و ضحكت تاني 
كانت صباح هتضربها بهزار بس سجده قامت بسرعه و هي بتضحك
صباح...اخلصي و ردي قولتلها حاجه
سجده...يلا يا امي عشان نتغدى
و دخلت هي و صباح القصر
..لا اله الا انت سبحانك اني كنت من الظالمين
بعد شويه كانت سجده قاعده هي و امها بيشربوا شاي و سجده قالت لأمها
سجده....عيد ميلاد نغم انهارده
صباح بعدم اهتمام...و بعدين
سجده...ايه الي و بعدين يا ماما ! ...احنا كل سنه بنعملها مفاجأه و بنديها هديتنا !!
صباح...و انا مش هضيع فلوسي عليها اكتر من كدا يا سجده كفايه اوي الفلوس الي صرفتها عليها و على مدرستها و كليتها و و و 
بصتلها سجده باستغراب و قالتلها
سجده...فلوس ايه الي صرفتيها عليها نغم كل جنيه اتصرف عليها كان من فلوس خالتو احلام و اونكل على الله يرحمهم
اتوترت صباح و قالتلها پغضب
صباح...انتي هتتناقشي معايا يا سجده انل قولت كلامي مفيش هدايا هتتجاب
في ايه صوتكوا عالي ليه
كان يونس صاحب السؤال دا 
صړخت سجده بفرحه كبيره و هي بتقول
سجده....أبييييييه!!!!
و قامت هي و صباح بسرعه و فرحه كبيره و هما مش مصدقين انه رجع من السفر 
صباح...مقولتش ليه انك راجع
يونس...معلش يا امي 
كمل باستغراب
يونس...صوتكوا كان عالي كدا ليه
كانت لسه سجده هترد بس وقفها سؤال صباح الي لاحظت كميه الشنط و لفت نظرها بوكس هدايا 
صباح...ايه كل دا يا يونس
يونس...طلبات سجده هانم 
فرحت سجده جدا و قالتله
سجده...حبيبي يا يويو 
ابتسملها ف قالتله بتحذير
سجده...اوعى تكون نسيت تجيبلي الموبايل الي كنت عايزاه
يونس...دي اول حاجه جبتهالك
ضړبتها صباح ف دماغها بخفه و قالتلها
صباح...انتي مش لسه جايبه تليفون من كام شهر
قالتلها سجده بزهول
سجده....و نزل واحد جديد و حديث عن الي معايا
قالت صباح ليونس
صباح...و انت يا دكتور يونس
فهم يونس الي امه هتقوله و قالها
يونس....انتي عارفه بنتك زنانه و مش هتسيبنا غير و هي ف ايديها التليفون الي هي عايزاه
هزت سجده راسها لصباح بتأكيد على كلام يونس
يونس...اومال فين نغم
سجده...مش هنا
فرح يونس جدا و قالها
يونس...بجد
صباح...و انت بتسأل عليها ليه
يونس...عشان نجهز المفاجأه زي كل سنه
قالتله صباح پغضب
صباح...ليه و هو بوكس الهدايا دا بتاعها
قالها يونس باستغراب
يونس...ايوا في ايه م احنا كل سنه بنجيبلها هدايا
كمل بقلق
يونس...انتي مجبتلهاش هديه يا ماما
صباح...و مش هجيبلها يا رب يبقى اخر عيد ميلاد ليها و نخلص
قلبهم اتقبض پخوف من دعوة امهم و قالولها پصدمه و خوف
يونس و سجده....ليه كدا يا ماما!!!
بصتلهم صباح بضيق و مردتش
كمل يونس كلامه و قال
يونس...يعني انتي مجبتلهاش اي حاجه خالص
صباح...لأ
سجده...خلاص يا جماعه 
بصت ليونس و قالتله
سجده...انت جبتلي الساعه الي قولتلك عليها يا يونس
يونس...ايوا 
بصت لصباح و قالتلها
سجده...خدي الساعه دي و اديهالها كأنك انتي الي جبتيها يا ماما
الفكره
عجبت يونس جدا و قال
يونس...ايوا بالظبط فكره حلوه
سكتت صباح و مردتش عليهم ف سجده قالتلها
سجده...ماما
نفخت صباح بضيق و قالتلها
صباح...طيب
يونس...اكيد حسن كل دا في الشغل هكلمه يجي و يجيب معاه تورته
قالتله سجده بسرعه
سجده...لأ يا يونس
قفل يونس حواجبه باستغراب و قالها
يونس...لأ ليه
سجده...حسن و نغم اطلقوا من بدري اوي يا يونس و نغم اتكتب كتابها كمان
اټصدم يونس من الي سمعه و قال بدهشه و زهول
يونس...و ازاي متعرفونيش كل دا
سجده...طول الفتره الي فاتت و احنا كنا مشغولين في كذا حاجه هبقى احكيلك بعدين
..لا اله الا الله
بعد شويه رجعت نغم البيت هي و خالها و هيام و شيرين و استغربوا من ان انوار البيت كلها مطفيه 
فتح خالد النور و اتفاجئوا كلهم بالزينه الي موجوده و رقم 26 الي كان معمول ب بالون الهيليوم و وجود التورته الي نغم بتحبها
فرحت اوي و عينيها دمعت جامد لثواني حست انهم لسه بيحبوها 
ابتسمت بفرحه و قالتلهم
نغم...ايه كل الجمال دا 
ابتسموا و كلهم قالولها كل سنه و انتي طيبه حتى خالد و هيام و شيرين
ابتسمت بكسوف و قالتلهم
نغم...تعبتوا نفسكوا بجد مكنش ليه داعي
صباح....اه م انا قولتلهم كدا برضو بس هنعمل ايه ان شاء الله السنه الجايه مفيش اي حاجه من دي هتحصل اعتبريه اخر عيد ميلاد ليكي مثلا و افرحي بقى بدل م انتي بتقوليلهم ملوش لازمه وووووو
يتبععععع
ضحېة عشق
بقلمي مريم احمد
استغفر الله العظيم و اتوب اليه
28
اټصدمت نغم هي و الكل لما سمعت صباح بتقول پحقد
صباح...م انا قولتلهم برضو يا حبيبتي ملوش لازمه التكلفه ولا المفاجأت دي بس مش مشكله اعتبريه اخر عيد ميلاد ليكي و افرحي بقى 
قلبها اتقبض هي و الكل من كلام صباح و على عكس توقعهم سمعوا سجده بتقول
سجده...ايه يا ماما كلامك دا 
و بعدين وجهت كلامها لنغم
سجده...ماما متقصدش يا نغم متزعليش 
حست انها تايهه مش عارفه مين بيحبها و مين لا مستغربه كلام صباح الصريح انها ممكن تقت لها زي م حاولت تق تل امها الي هي تبقى اخت صباح 
و ف نغس الوقت مستغربه سجده الي معاملتها اتغيرت معاها 180 درجه 
فاقت على صوت هيام الي قالتلها
هيام...كل سنه و انتي طيبه و بخير يا حبيبة قلبي
ابتسمتلها نغم بحب و قالتلها
نغم...و حضرتك طيبه و بخير يا طنط
.لا اله الا الله
تاني يوم كانت نغم في الشركه 
كانت نغم قاعده
في مكتابها بتتابع شغلها و هي مركزه في الورق الي قدامها عشان كان عندها اجتماع مهم
قطع تركيزها صوت الباب الي بيعلن عن وجود هبه السكيرتيره بتاعتها
نغم...تعالي يا هبه
فتحت هبه الباب و دخلت باحترام
هبه...بشمهندسه نغم في واحده برا عايزه تقابل حضرتك
نغم...مقالتلكيش اسمها 
هزت هبه راسها يمين و شمال برفض
استغربت نغم و قالتلها بزهق
نغم...قوليلها اني مش فاضيه
هبه... بس هي مصره انها تقابل حضرتك و قالتلي لو رفضتي تقابليها استأذن حضرتك تاني انها تيجي المكتب
اتعصبت نغم و قالتلها بضيق
نغم... عايزه تقابلني ضروري اوي كدا يبقى تقول اسمها ايه شغل المسلسلات دا 
هبه... طيب اقولها ايه
نغم... قوليلها نغم هانم عندها اجتماع مع شركه مهمه كمان ربع ساعه و مش فاضيه 
هزت هبه راسها باحترام و قالتلها
هبه... حاضر عن اذن حضرتك
و خرجت و نغم الي اتنهدت بعصبيه و رجعت تاني تشوف تشوف شغلها تقرأ الورق بتركيز اكتر قبل الاجتماع 
بس سمعت صوت دوشه بره و صوت هبه الي بتقول
هبه... يا فندم مينفعش