رواية رُبما عقلي يوهمُني( الفصل الأول 1) بقلم روزان مصطفى

رواية ربما عقلي يوهمني الفصل الأول من القصة الجديدة بقلم روزان مصطفى. 
لو قولتلك عندي شقة لقطة ليك تقعد فيها الشهر اللي فاضلك في مصر تديني حلاوة كام! 
تثائب وهو يستمع لصوت الشخص الأخر على الهاتف وقال أديك في سنانك! لسه فاكر ترد عليا دلوقتي خلاص لقيت شقة غيرها وإتفقت مع السمسار وهيعدي ياخد فلوسه شوفلك زبون غيري. 
قال الأخر على الهاتف وصوته يحوي الكثير من محاولة مرة أخرى لسه كلام ولسه مخدش فلوس يعني سمك في مياه وإيه يجبرك مش هتلاقي شقة أحسن من اللي عندي وسعرها معقول أنا إتأخرت عليك عشان بنقيلك حاجة نضيفة ثق فيا. 

قال حسام وهو الشخص الذي يريد أن يستأجر الشقة عموما الشقة دي مش ليا هسيب فيها أختي شهر لغاية ما أسافر لمراتي وولادي في دبي عشان مش هينفع تسافر معايا ورقها مش خلصان وعندها جامعة.. هتقعد شهر لغاية ما أرجع مصر وتيجي تقعد معايا تاني عشان كدا بدور على شقة في عمارة عائلات ومنطقة حيوية. 
السمسار بهدوء طلبك عندي أومال عاوزك تشوفها ليه عمارة محترمة ونظيفة وهادية ومنطقة هاي كلاس وبقولك السعر مناسب. 
حسام بملل من إصراره طيب عدي عليا الصبح نروح نشوفها سوا ولو زي ما بتقول هخلص معاك إنت.. 
السمسار بسعادة مبالغ بها من النجمة هكون عندك. 
حسام بضيق لا تقل رجلك شوية متجيش بدري مبحبش السربعة. 
أغلق الهاتف معه وقام من على الأريكة وهو ينتقل لغرفة شقيقته الصغرى ذات التسعة عشر عاما دق الباب عدة مرات لكنه لم يتلق منها رد لذا سمح لذاته بفتح الباب وهو ينظر أرضا خوفا من أن تكون تبدل ملابسها أو غير مرتدية ملابس ملائمة تنحنح فلاحظت هي فتح الباب ودخوله لذا ازاحت عن أذنيها السماعات ونظرت له وهي مقتضبة الجبين قال هو بحنان إيه يا سارة مبترديش ليه يا حبيبتي. 
سارة بنبرة هادئة ووجه مكفهر مسمعتش كنت بتفرج على المسلسل. 
إبتسم لها وجلس على الفراش فسحبت قدميها وربعتهما أسفل جسدها قال هو بهدوء يعني أنا تفتكري تهوني عليا أسيبك في بلد وأنا في بلد ولا تفتكري هرميك عند خالاتك! أنا عمري ما جبرتك على حاجة يا سو بس من خۏفي عليكي قولتلك إقعدي عند خالتك فتنة.. لغاية بس ما أخلصلك ورقك وأجيبك تعيشي معانا في دبي ورقك مش خلصان يا حبيبتي هسفرك إزاي لازم تدخلي البلد ك إقامة مش زيارة. 
رفعت سارة رأسها ونظرت لأخيها وقالت ما تسيبني هنا الشهر دا! في شقتنا دي 
حرك حسام رأسه يمينا ويسارا وقال بهدوء مينفعش إنت عارفة إنها شقة إيجار وصاحب العمارة طلب يخليها من السكان يعني خلاص دي أخر أيام لينا فيها هو حر يهدها يقفلها هو صاحبها.. لكن أنا عشان رفضك إنك تقعدي مع واحدة
من خالاتك